ஜெ.உடலை சுற்றி மன்னார்குடி குடும்பம்.. யார் யார் விவரம்!

சென்னை: மறைந்த ஜெயலலிதா உடல் ராஜாஜி ஹாலில் வைக்கப்பட்டிருந்த போது அவரது உடலை சுற்றி சசிகலா உறவினர்கள் யார் யார் நின்றுகொண்டிருந்தனர் என்பதை விளக்கும் படம் தற்போது சமூக வலைத்தளங்களில் வைரலாக பரவி வருகிறது.

முன்னாள் முதல்வர் ஜெயலலிதா அப்போலோ மருத்துவமனையில் 75 நாட்களாக சிகிச்சை பெற்று வந்த நிலையில், சிகிச்சை பலனின்றி கடந்த 5ம் தேதி மரணம் அடைந்தார். அதைத்தொடர்ந்து போயஸ் கார்டன் கொண்டு செல்லப்பட்ட அவரது உடலுக்கு இறுதிச் சடங்குகள் நடைபெற்றது.

பின்னர் ஜெயலலிதா உடல் பொதுமக்கள் அஞ்சலிக்காக ராஜாஜி ஹாலில் வைக்கப்பட்டது. ஜெயலலிதா உடலை சுற்றி அவரது நெருங்கிய தோழி சசிகலா இருந்தார். அவருக்கு உட்கார நாற்காலி போடப்பட்டிருந்தது. ஆனால் பெரும்பாலான நேரம் சசிகலா எழுந்து நின்று, ஜெயலலிதாவின் முகத்தை துடைத்தபடியே இருந்தார். முதல்வர் ஓ.பன்னீர்செல்வம், பாராளுமன்ற துணை சபாநாயகர் தம்பிதுரை, அமைச்சர் ஜெயக்குமார் உள்ளிட்ட ஒருசிலர் மட்டுமே ஜெயலலிதா உடல் அருகே ஓரமாக நின்று கொண்டிருந்தனர். மற்ற அமைச்சர்கள், எம்.எல்.ஏக்கள் படிக்கட்டுகளில் ஒரு ஓரமாக உட்கார்ந்திருந்தனர்.

இதற்கிடையில் ஜெயலலிதாவின் அண்ணன் மகள் தீபாவை மீடியாவில் காட்டக் கூடாது, என்பதற்காக சசிகலா உறவினர்கள் ஜெயலலிதாவின் உடலை சுற்றி அரணாக நின்றதாகவும் கூறப்படுகிறது. ஆனால் சசிகலாவின் உறவினர்கள் இளவரசி, டாக்டர் வெங்கடேஷ் உள்ளிட்டோர் ஜெயலலிதாவின் உடலை சுற்றி நின்று கொண்டிருந்தனர். இவர்களை பற்றிய விவரங்கள் பெரும்பாலும் யாருக்கும் தெரியாமல் இருந்தது.

அதில் சசிகலாவைத் தவிர பலர் ஜெயலலிதாவால், கடந்த 2011 -ம் ஆண்டு சட்டசபை தேர்தல் முடிந்த போது துரோகிகள் என அறிவிக்கப்பட்டு அதிமுகவில் இருந்து வெளியேற்றபட்டவர்கள். இவர்கள் யார் யார் என்பதை விளக்கும் படம் விளக்குகிறது. நக்கீரன் வெளியிட்டுள்ள இந்தப் படம் தற்போது சமூக வலைத்தளங்களில் வைரலாக பரவி வருகிறது.

ஜெ.,உடலை சுற்றி நின்ற மன்னார்குடி குடும்பம்.. யார் யார் பட்டியல்

திவாகரன் (சசிகலா தம்பி), மகாதேவன் (சசிகலா அண்ணன் மகன்)

நடராஜன் (சசிகலா கணவர்), டாக்டர் சிவக்குமார் (சசி அண்ணன் மருகன்)

பாஸ்கர் (சசிகலா அக்கா மகன்), மதன் (இளவரசி அண்ணன் வடுகநாதனின் மகன்)

விக்ரம் (திவாகரன் மருமகன்), பிரியா (இளவரசி மகள்), விக்ரம் (திவாகரன் மருமகன்)

ஜெய்ஆனந்த் (சசிகலா தம்பி திவாகரன் மகன்), வெங்கடேசன் (சசிகலா அண்ணன் மகன்), தினகரன் (சசிகலா அக்கா மகன்)

பண்ணைவயல் பாஸ்கர் (டாக்டர் வெங்கடேஷ் மாமனார்) , விவேக் (இளவரசி மகன்) இளவரசி ராஜராஜன் (இளவரசி மருமகன்)

English summary

Sasikala and others from her family among supporters near the body of Tamil Nadu chief minister J Jayalalithaa at the Rajaji Hall in Chennai