நல்ல மதிப்பெண் எடுத்தும் படிக்க முடியாத மாணவரா... இந்தாங்க விஷால் நம்பர்!

சென்னை: நல்ல மதிப்பெண்கள் இருந்தும் வசதி இல்லாததால் மேற்படிப்பைத் தொடர முடியாத மாணவ மாணவிகளுக்கு நடிகர் விஷால் உதவி செய்ய முன்வந்துள்ளார்.

முதல்கட்டமாக 16 ஏழை மாணவர்கள் மேற்படிப்பைத் தொடர அவர் பண உதவி அறிவித்துள்ளார்.

நடிகர்கள் சிவகுமார், சூர்யா, கார்த்தி, சசிகுமார், ராகவா லாரன்ஸ் போன்றவர்கள் ஏழை மாணவர்களின் கல்விக்கு உதவி வருகிறார்கள்.

சூர்யா, ராகவா லாரன்ஸ் உள்ளிட்ட சில நடிகர்கள் நலிவடைந்த மாணவர்களின் கல்விக்கு உதவி செய்து வருகின்றனர். அந்த வரிசையில் நடிகர் விஷால், தற்போது வெளிவந்துள்ள பிளஸ்-2 தேர்வு முடிவுகளில் நல்ல மதிப்பெண்கள் எடுத்தும், பணம் இல்லாத சூழ்நிலையில் நல்ல கல்லூரியில் சேர முடியாத மாணவ, மாணவிகளுக்கு பணஉதவி செய்து அவர்களின் படிப்புக்கு உதவி செய்ய முன்வந்துள்ளார்.

விஷால் தனது அம்மா பெயரில் தொடங்கியுள்ள தேவி அறக்கட்டளை மூலமாக இந்த உதவியை செய்யவுள்ளார். யாராவது தங்கள் பகுதிகளில் இதுபோன்று மேல்படிப்புக்கு கஷ்டப்படும் மாணவர்கள் பற்றிய விவரங்களை விஷாலுக்கு தெரியப்படுத்தினால், அவர் அந்த மாணவர்கள் பற்றிய விவரங்களை கேட்டறிந்து, அவர்களுக்கு உதவுவார். மேலும், விவரங்கள் அறிந்துகொள்ள 8754009846 என்ற எண்ணுக்கு தொடர்புகொண்டு பேசலாம்.

விஷால் தற்போது மதுரவாயல் அரசு மேல்நிலைப்பள்ளியில் படித்து நல்ல மதிப்பெண்களை பெற்ற 16 மாணவ, மாணவிகளின் படிப்புக்கு உதவி செய்ய முன்வந்துள்ளார்.

அந்த மாணவர்கள் விவரம்:

பத்மபிரியா 1137/1200
புவனேஸ்வரி 1128/1200
சக்தி 1082/1200
கோபிநாத் 1068/1200
பிரகதி 1044/1200
கங்காதேவி 1039/1200
ரியாஸ் அகமது 1027/1200
மனிஷா 1016/1200
மனோ 1010/1200
ஏ.பிரியா 966/1200
எஸ்.பிரியா 923/1200
உமா மகேஷ் 994/1200
பூவிழி கண்ணை 956/1200
மாரிமுத்து 971/1200
நவீன்குமார் 979/1200
அமரா 951/1200.

English summary

Actor Vishal has announced education aid to poor students who scored good marks in plus two.