திராவிட இயக்கத்தை அழிக்க பார்க்கும் பாஜகவை கருணாநிதி விழாவிற்கு எப்படி அழைக்க முடியும்?- ஸ்டாலின்

திராவிட இயக்கத்தை ஒழிக்க நினைக்கும் பாஜகவை கருணாநிதியின் வைரவிழாவுக்கு எப்படி அழைப்பது? என்று திமுக செயல் தலைவர் மு.க.ஸ்டாலின் தெரிவித்தார்.

சென்னை: திராவிட இயக்கத்தை ஒழிக்க நினைக்கும் பாஜகவை கருணாநிதியின் வைரவிழாவுக்கு எப்படி அழைப்பது? என்று திமுக செயல் தலைவர் மு.க.ஸ்டாலின் கேட்டுள்ளார்.

கொளத்தூர் தொகுதியில் குளத்தை தூர்வாரும் பணிகளை ஆய்வு செய்த எதிர்கட்சித்தலைவர் ஸ்டாலின், செய்தியாளர்களிடம் பேசினார். அப்போது அவர், தமிழகத்தில் நிலவும் குடிநீர் தட்டுப்பாடு குறித்து தமிழக அரசு கவலைப்படவில்லை என்று குற்றம் சாட்டினார்.

திமுக ஆட்சி காலத்தில் குடிநீர் தட்டுப்பாட்டை சமாளிக்க பல்வேறு திட்டங்கள் நிறைவேற்றப்பட்டன என்றும் ஸ்டாலின் தெரிவித்தார். அதிமுக ஆட்சி காலத்தில் ஊழல் செய்யவே நேரம் போதவில்லை, குடிநீர் பிரச்சினை பற்றியும் இன்றைய ஆட்சியாளர்கள் கவலைப்படவில்லை என்றும் ஸ்டாலின் தெரிவித்தார்.

கருணாநிதியின் வைரவிழாவிற்கு பாஜகவை அழைக்காதது பற்றி கேள்வி எழுப்பியதற்கு பதிலளித்த ஸ்டாலின், திராவிட இயக்கத்தை ஒழிக்க நினைக்கும் பாஜகவை வைரவிழாவுக்கு எப்படி அழைப்பது? என்றார்.

கருணாநிதியின் வைரவிழாவிற்கு அவர்களை அழைத்து மேடையில் அமரவைத்தார் அது அவர்களுக்கும் தர்மசங்கடம், அனைவருக்குமே தர்மசங்கடம் என்றார்.

அமைச்சர்கள் ஊழல் குறித்து ஆளுநரிடம் பலமுறை புகார் அளித்தும் எந்த பலனும் இல்லை என்று தெரிவித்த மு.க.ஸ்டாலின், ஊழல் செய்வதில் தான் ஆட்சியாளர்களின் கவனம் உள்ளதாக தெரிவித்தார்.

English summary

All parties except BJP invited to Karunanidhi's Diamond Jubilee celebration.DMK working leader Stalin meet press person at Kolathur,he explained that why his party not invite to BJP for Karunanidhi's Diamond Jubilee function.