தைரியம் இருந்தா சிரிக்காம இந்த வீடியோவைப் பாருங்க பார்ப்போம்!

சென்னை: கொக்க கோலா நிறுவனம் வெளியிட்டுள்ள இந்த வீடியோவை பார்க்கும் யாராக இருந்தாலும் அவர்களால் சிரிக்காமல் இருக்க முடியாது.

கொக்க கோலா நிறுவனம் மகிழ்ச்சியை தேர்வு செய்யுங்கள் என்ற தலைப்பில் இணையதளத்தில் வீடியோ ஒன்றை வெளியிட்டுள்ளது. கடந்த 11ம் தேதி யூடியூப்பில் வெளியிடப்பட்ட அந்த வீடியோவை 50 லட்சத்திற்கும் மேற்பட்டோர் கண்டு மகிழ்ந்துள்ளனர்.

அந்த வீடியோவில் ஏராளமான குழந்தைகள் மிகவும் சந்தோஷமாக வாய்விட்டு சிரிக்கிறார்கள். தினமும் குழந்தைகள் பெரியவர்களை விட 40 முறை கூடுதலாக சிரிப்பதாக வீடியோவில் தெரிவிக்கப்பட்டுள்ளது.

காரணமே இல்லாமல் சந்தோஷமாக சிரிக்கும் குழந்தைகளை பார்க்கும் அனைவருக்கும் தானாக சிரிப்பு வருகிறது. நாம் முதல்முதலாக கற்றுக் கொண்ட சிரிப்பை ஏன் மறந்தோம் என்று வீடியோவில் கேட்கப்படுகிறது.

வளர, வளர மக்களின் சிரிப்பு குறைந்துவிடுகிறது. சிரித்து வாழ வேண்டும் என்ற மெசேஜுடன் வீடியோ நிறைவடைகிறது.

English summary

Coca-Cola has released a video of babies smiling which has gone viral.