எங்கள மாதிரி யாரும் குட்டிக்கரணமே போட முடியாது.. ஸ்டாலினுக்கு தமிழிசை பதிலாம்!
திமுக செயல் தலைவர் ஸ்டாலினின் பாஜக குட்டிக்கரணம் கருத்துக்கு பதிலளித்த தமிழக பாஜக தலைவர் தமிழிசை ''நாங்களும் நல்லா குட்டிக்கரணம் அடிப்போம்'' எனக் கூறினார்.
அரியலூர்: திமுகவைவிட நன்றாக குட்டிக்காரணம் அடித்து தமிழகத்தில் பாஜகவை வலுப்படுத்துவோம் என 'நம்ப்பிக்கை'யுடன் கூறியுள்ளார் தமிழிசை சவுந்தரராஜன்.
காவிரி ஆற்றங்கரையில் மணல் அள்ளுவதை எதிர்த்து அரியலூரில் பாஜக தலைவர் தமிழிசை தலைமையில் போராட்டம் நடந்துவருகிறது. அப்போது மத்திய இணை அமைச்சர் பொன். ராதா கிருஷ்ணன், ''திமுக அழிந்து வருகிறது. பாஜக தமிழகத்தில் வளரும்'' என்று கூறியிருந்தார்.
இதற்கு பதில் அளித்த திமுக செயல்தலைவர் ஸ்டாலின், ''பாஜக எத்தனை குட்டிக்கரணம் அடித்தாலும் தமிழகத்தில் காலூன்றவே முடியாது'' என்று பதில் அளித்தார்.
ஸ்டாலினின் இந்தக் கருத்துக்கு தமிழக பாஜக தலைவர் தமிழிசை பதிலளித்த போது, ''பாஜக எப்படியாவது குட்டிக்கரணம் அடித்து, தமிழகத்தில் கட்சியை உறுதியாக காலூன்ற வைக்கும். திமுகவை விட பாஜக நன்றாக குட்டிக்கரணம் அடிக்கும்'' என்று கூறினார்.
தமிழிசையின் இந்த பதில், அங்கு மெல்லிய சிரிப்பலையை உருவாக்கியது குறிப்பிடத்தக்கது.
Click it and Unblock the Notifications
Sign in with Google