ரஜினியிடம் ஆதரவு கேட்போம்.. கண்டிப்பாக கொடுப்பார்.. இல.கணேசன் தகவல்

சேலம்: சூப்பர் ஸ்டார் ரஜினிகாந்த்திடம், நரேந்திர மோடிக்கு ஆதரவு தெரிவிக்குமாறு தேர்தல் நெருங்கும் சமயத்தில் கேட்போம். அவரும் தருவார் என்று மூத்த பாஜக தலைவர் இல.கணேசன் கூறியுள்ளார்.

சேலத்தில் நடந்த கட்சிக் கூட்டத்தில் கலந்து கொண்ட பின்னர் செய்தியாளர்களிடம் இல.கணேசன் பேசுகையில், சூப்பர் ஸ்டார் ரஜினிகாந்த்தை தேர்தல் சமயத்தில் சந்தித்து மோடிக்கு ஆதரவு கோருவோம். அவர் நிச்சயம் ஆதரவு கொடுப்பார்.

தேமுதிகவுடன் பேச்சு நடத்தியுள்ளோம். அவர் வருவதற்கான சாதகமான சூழல்கள் பிரகாசமாக உள்ளன.

தமிழகத்தில் பலமான கூட்டணியை அமைப்போம். இங்கு 16 சதவீத அளவுக்கு மோடிக்கு ஆதரவு காணப்படுகிறது. எனவே இதை பலப்படுத்த முயற்சிக்கிறோம் என்றார்.

English summary

Senior BJP leader Ila Ganesan has said that his party will seek Super star Rajinikanth's support to Modi during the election time+