சமூக வலைதள அக்கப்போர்... டிரெண்டிங்கில் பரபரப்பை கிளப்பும் #WelcomeStalin #GoBackStalin
சமூக வலைதளங்களில் #WelcomeStalin #GoBackStalin ஆகிய ஹேஷ்டேக்குகள் டிரெண்டிங் ஆகி பரபரப்பை ஏற்படுத்தியுள்ளன.
சென்னை: திமுக செயல் தலைவர் ஸ்டாலின் லண்டனில் இருந்து திரும்புவதை வரவேற்றும் எதிர்த்தும் ட்விட்டரில் திமுக மற்றும் எதிர்க்கட்சியினர் #WelcomeStalin #GoBackStalin ஹேஷ்டேக்குகளில் பதிவுகளைப் போட்டு அதகளப்படுத்தி வருகின்றனர்.
பிரதமர் நரேந்திர மோடி தமிழகம் வந்த போது #GobackModi ஹேஷ்டேக் சமூக வலைதளங்களில் ட்ரெண்டிங்கில் முன்னிலை வகித்தது. அதேபோல் பாஜக தலைவர் அமித்ஷா வருகை தந்தபோது #GobackAmitshah டிரெண்டானது. திமுகவினர்தான் இதனை தீவிரமாக செய்ததாக பாஜகவினர் குற்றம்சாட்டி இருந்தனர்.
இந்த நிலையில் லண்டன் சென்றிருந்த ஸ்டாலின் இன்று சென்னை திரும்புகிறார். இதையடுத்து திமுகவினர் #WelcomeStalin என்ற ஹேஷ்டேக்கை உருவாக்கி ஸ்டாலினை வரவேற்று பதிவுகளைப் போட்டு வருகின்றனர்.
இதற்கு போட்டியாக #GoBackStalin என்ற ஹேஷ்டேக் உருவாக்கப்பட்டு அதில் ஸ்டாலினுக்கு எதிராக கருத்துகள் பதிவிடப்பட்டு வருகின்றன. தற்போது இந்த இரண்டும் தேசிய அளவில் டிரெண்ட் ஆகி சமூக வலைதளங்களில் பெரும் பரபரப்பை ஏற்படுத்தி வருகின்றன.
Click it and Unblock the Notifications
Sign in with Google