நடிகர் விஷாலுக்கு டெல்லி முதல்வர் கெஜ்ரிவால் வாழ்த்து
ஆர்.கே.நகர் இடைத்தேர்தலில் சுயேட்சையாக போட்டியிடும் விஷாலுக்கு டெல்லி முதல்வர் அர்விந்த் கெஜ்ரிவால் வாழ்த்து கூறியுள்ளார்.
சென்னை: ஆர்.கே.நகர் இடைத்தேர்தலில் சுயேட்சையாக போட்டியிடும் விஷாலுக்கு டெல்லி முதல்வர் அர்விந்த் கெஜ்ரிவால் வாழ்த்து கூறியுள்ளார்.
சென்னை ஆர்.கே.நகர் இடைத்தேர்தலில் இந்த முறை அரசியல் கட்சி வேட்பாளர்களை விட சுயேட்சை வேட்பாளர்கள் பலம் வாய்ந்தவர்களாக களமிறங்கியுள்ளனர்.
அதிமுகவின் மதுசூதனன், திமுகவின் மருதுகணேஷ், பாஜகவின் கருநாகராஜன், ஆகியோர்களை விட சுயேட்சைகளாக களமிறங்கியுள்ள டிடிவி தினகரன், தீபா, நடிகர் விஷால் ஆகியோர் பரபரப்பை ஏற்படுத்தியுள்ளனர்.
குறிப்பாக நடிகர் விஷாலுக்கு ஆதரவு பெருகி வருவதாக தகவல்கள் வெளிவந்துள்ளது. ஆர்.கே.நகர் தேர்தலில் போட்டியிட போவதாக விஷால் அறிவித்த நிமிடத்தில் இருந்தே அவருக்கு சமூக வலைத்தளங்களில் ஆதரவு அதிகரித்து வருகிறது.
முன்னாள் முதல்வர்கள் காமராஜர், எம்ஜிஆர், ஜெயலலிதா ஆகியோரின் நினைவிடங்களுக்கு சென்று மரியாதை செலுத்திய விஷால் வேட்புமனுவை தாக்கல் செய்தார்.
விஷாலுக்கு டெல்லி முதல்வர் அர்விந்த் கெஜ்ரிவால் வாழ்த்து கூறியுள்ளார். தனது ட்விட்டர் பக்கத்தில் கெஜ்ரிவால் பதிவிட்டுள்ளார். டெல்லி வரும்போது சந்திக்கலாம் என்றும் தெரிவித்துள்ளார்.
இந்த வாழ்த்தினை ஏற்றுக்கொண்ட விஷால், தனது இன்ஸ்பிரேசன் அரவிந்த கெஜ்ரிவால்தான் என்று கூறினார். அவரது பாதையை பின்பற்றியே அரசியலுக்கு வந்துள்ளதாகவும் கூறியுள்ளார். கெஜ்ரிவால் போன்றவர்கள்தான் தங்களின் ஊக்கசக்தி என்றும் கூறினார்.
Click it and Unblock the Notifications
Sign in with Google