மோடிக்கு ஆஸ்திரேலியா பிரதமர் கொடுத்ததே திருட்டு சிலைதான்.. இப்படி சொல்லிடீங்களே எச்.ராஜா!

பிரதமர் மோடிக்கு ஆஸ்திரேலிய பிரதமர் பரிசளித்த நடராஜர் சிலை தமிழகத்தில் இருந்து கடத்தப்பட்ட சிலையே என்று எச்.ராஜா குற்றச்சாட்டு வைத்துள்ளார்.

Updated: Thursday, October 4, 2018, 11:21 [IST]

Subscribe to Oneindia Tamil

Recommended Video

எச். ராஜா விவகாரம்.. அரசு தலைமை வழக்கறிஞருக்கு அதிகாரம் இல்லை.. வீடியோ

சென்னை: பிரதமர் மோடிக்கு ஆஸ்திரேலிய பிரதமர் பரிசளித்த நடராஜர் சிலை தமிழகத்தில் இருந்து கடத்தப்பட்ட சிலையே என்று எச்.ராஜா குற்றச்சாட்டு வைத்துள்ளார்.

பாஜகவை சேர்ந்த தேசிய செயலாளர் எச்.ராஜா எதையாவது பேசி சர்ச்சைகளில் சிக்கிக் கொள்வது வழக்கம். தமிழக கோவில் சிலை திருட்டு குறித்து இவர் தீவிரமாக பேசி வருகிறார்.

இந்த நிலையில் அவர் பிரதமர் மோடி குறித்தும், ஆஸ்திரேலியாவின் முன்னாள் பிரதமர் டோனி அப்பாட் குறித்தும் பேசியது சர்ச்சையாகி உள்ளது. ஆஸ்திரேலிய அரசு மீது குற்றச்சாட்டு வைக்கும் வகையில் அவர் பேசியுள்ளார்.

என்ன நடந்தது

ஆஸ்திரேலியாவின் முன்னாள் பிரதமர் டோனி அப்பாட் கடந்த 2014 செப்டம்பர் மாதம் இந்தியா வந்தார். அப்போது அவர் இந்திய பிரதமர் மோடிக்கு இரண்டு சிலைகளை பரிசளித்தார். அந்த சிலைகள் ஆஸ்திரேலியாவின் அரசு அரும்பொருள் கண்காட்சியகத்தில் வைக்கப்பட்டு இருந்த சிலை ஆகும்.

தமிழக சிலையா?

அந்த சிலைகள் இந்தியாவை சேர்ந்த சிலைகள் என்று கூறப்படுகிறது. தமிழகத்தை சேர்ந்தவை அந்த சிலைகள் என்றும் கூறப்பட்டு வருகிறது. இவர் 11 நூற்றாண்டை சேர்ந்தது என்று தகவல்கள் வருகிறது. இரண்டும் நடராஜர் சிலை என்பது குறிப்பிடத்தக்கது.

என்ன குற்றச்சாட்டு

இந்த நிலையில் பிரதமர் மோடிக்கு ஆஸ்திரேலிய பிரதமர் பரிசளித்த நடராஜர் சிலை தமிழகத்தில் இருந்து கடத்தப்பட்ட சிலையே, இங்கிருந்து முறையாக ஒன்னும் அங்கே எடுத்து செல்லப்படவில்லை என்று எச்.ராஜா குற்றச்சாட்டு வைத்துள்ளார். தமிழகத்தில் இருந்து திருடப்பட்ட சிலைதான் அது. அந்த திருடிய சிலையைதான் அவர் இந்தியாவிற்கு கொடுத்துள்ளார் என்று எச்.ராஜா கூறியுள்ளார்.

Another beauty from H Raja.

Natrajar statue gifted to PM Modi by Australian PM was a stolen one: H Raja

What next ? File a case against Australian PM ?
Will PM Modi be included as a witness or ... ?

What do you want to say @MEAIndia ?

Any comments @TurnbullMalcolm ?
— Arvind Gunasekar (@arvindgunasekar) October 4, 2018

என்ன கேள்வி

இந்த நிலையில் சமூக வலைதளத்தில் எச்.ராஜாவின் இந்த பேட்டி மீண்டும் வைரலாகி உள்ளது. இவர் ''எச்.ராஜா மீண்டும் அழகாக பேசியுள்ளார். ஆஸ்திரேலியா பிரதமர் கொடுத்த அந்த சிலையை திருட்டு சிலை என்கிறார். இப்போது என்ன ஆஸ்திரேலிய பிரதமர் மீது நடவடிக்கை எடுக்க வேண்டுமா? இந்தியா பிரதமர் மீதும் நடவடிக்கை எடுக்க வேண்டுமா, இல்லை மோடியை சாட்சியமாக சேர்த்துக் கொள்ளலாமா'' என்று கேள்வி எழுப்பி இருக்கிறார்.