அண்ணாத்தே.. பேட்மேன் மட்டும் இன்னேரம் சென்னையில பொறந்திருந்தார்னு வைய்யேன்....!

சென்னை: சூப்பர்ஹீரோ பேட்மேன் சென்னையில் பிறந்திருந்தால் எப்படி இருந்திருக்கும் என்ற கற்பனையை வீடியோவாக்கி யூடியூப்பில் வெளியிட்டிருக்கிறார்கள். புட் சண்டி வெளியிட்டுள்ள இந்த வீடியோ வைரலாகியுள்ளது.

உலகப் புகழ் பெற்ற சூப்பர் ஹீரோ பேட்மேன். இவர் சென்னையில் பிறந்திருந்தால் அவருடைய தினசரி வாழ்க்கையில் என்னென்ன மாதிரியான சவால்களை எதிர்கொள்வார் என்ற கோணத்தில் நகைச்சுவையாக இந்த வீடியோ உருவாக்கப் பட்டுள்ளது.

இந்த வீடியோவில் பேட்மேனின் சித்தப்பாவாக டெல்லி கணேஷ் நடித்துள்ளார்.

8 நிமிடம் ஓடுகிறது இந்த வீடியோ. இதில் பேட்மேனின் புரூஸ் வாய்னே என்ற பெயர் புருஷோத்தமன் வெங்கட்ராமன் என்று குறிக்கப்படுகிறது.

காலையில் கையில் பேப்பரும், பால் பாக்கெட்டுமாக வந்து நிற்பதில் இருந்து, வண்டியில் செல்லும் போது துப்பட்டாவைப் பத்திரமாக எடுத்து வைக்கச் சொல்வது என யதார்த்தமான காட்சிகள் ரசிக்க வைக்கிறது, நன்றாக சிரிக்க வைக்கிறது.

பதிவேற்றம் செய்த சில மணி நேரங்களிலேயே இந்த வீடியோ வைரலாகியுள்ளது.

ஏற்கனவே கல்சர் மெஷின் (Culture Machine) என்ற பெயரில் யூடியூபில் பல்வேறு சுவாரசிய வீடியோக்களைப் பதிவேற்றிய வீடியோ நிறுவனம் தான், தற்போது தென்னிந்திய மக்களைக் குறிவைத்து புட் சட்னி என்ற பெயரில் புதிய யூடியூப் சானலோடு களமிறங்கியுள்ளது.

தொடர்ந்து கிரிக்கெட் நம்பிக்கைகள், பொறியியல் படித்த இளைஞனின் வாழ்க்கை, வாழை இலையில் சாப்பிடுவது என பல்வேறு வகையான நகைச்சுவை வீடியோக்களை புட் சட்னி பதிவேற்றவுள்ளது.

English summary

Do you sometimes wonder if you're spending enough time trying to solve life's little mysteries?What if Batman Were From Chennai, for example. A new video posted on YouTube offers the answers.