முதல் பக்க விளம்பரத்தில் முதல் முறையாக "அன்புமணியாகிய நான்".. !
சென்னை: திமுகவினர் கிட்டத்தட்ட குத்தகை எடுத்திருந்தது போல தொடர்ந்து போட்டு வந்த முழுப்பக்க விளம்பரத்திற்கு மத்தியில் இன்று பாமகவின் முழுப்பக்க விளம்பரத்தைக் காண நேர்ந்தது. இன்று சென்னை வண்டலூரில் பாமக மாற்றம் முன்னேற்றத்துக்கான பாமகவின் மாநாடு நடைபெறும் நிலையில் டாக்டர் அன்புமணியாகிய நான் என்ற பெயரில் இன்று முழுப்பக்க விளம்பரத்தை பாமக கொடுத்துள்ளது.
சட்டசபைத் தேர்தலில் பாமக தனித்துப் போட்டியிடப் போவதாகவே தொடர்ந்து கூறி வருகிறது. மேலும் டாக்டர் அன்புமணியை முதல்வர் வேட்பாளராக அறிவித்துள்ள பாமக, தனது தலைமையில் கூட்டணி அமையும் என்றும் கூறி வருகிறது.
இந்த நிலையில் இன்று மாலை வண்டலூர் விஜிபி மைதானத்தில் தனது 9வது மண்டல மாநாட்டை நடத்துகிறது பாமக.
மாற்றத்துக்கான மாநாடு
மாற்றம் முன்னேற்றம் அன்புமணி என்ற முழக்கத்துடன் செயல்பட்டு வரும் பாமக, இன்றைய மாநாட்டை மாற்றம், முன்னேற்றத்துக்கான மாநாடாக நடத்துகிறது.
பிரமாண்ட ஏற்பாடுகள்
இந்த மாநாட்டுக்கு சென்னை உயர்நீதிமன்றம் தடை விதித்து பின்னர் அனுமதி அளித்தது என்பதால் பெரும் எதிர்பார்ப்பு எழுந்துள்ளது. இதனால் வரலாறு காணாத வகையில் பெரும் கூட்டத்தைக் கூட்ட பிரமாண்ட ஏற்பாடுகளை பாமக செய்துள்ளது.
மாலை 5 மணிக்கு
இன்று மாலை 5 மணிக்கு வண்டலூர் விஜிபி மைதானத்தில் இந்த மாநாடு நடைபெறும். இங்குதான் முன்பு மோடி கூட்டமும் நடைபெற்றது என்பது நினைவிருக்கலாம்.
9வது மண்டல மாநாடு
இதுவரை 8 மண்டல மாநாடுகளை நடத்தியுள்ள பாமக இதை 9வது மண்டல மாநாடாகவும் நடத்துகிறது. மேலும் டாக்டர் அன்புமணியை முதல்வர் வேட்பாளராக அறிவித்து ஒரு ஆண்டு ஆகிறது. அதையொட்டியும் இந்த மாநாட்டை வெற்றியாக்க பாமகவினர் துடிப்பாக உள்ளனர்.
முக்கிய அறிவிப்புகள் - கூட்டணி
இந்த மாநாட்டில் டாக்டர் ராமதாஸ் பல முக்கிய அறிவிப்புகளை வெளியிடலாம் என்று தெரிகிறது. குறிப்பாக பாமகவின் கூட்டணி தொடர்பான அறிவிப்பு வெகுவாக எதிர்பார்க்கப்படுகிறது.
Click it and Unblock the Notifications
Sign in with Google