கட்சி கொள்கையை அறிவிக்கவில்லை என்ற விமர்சனம்.. கமல் பதிலடி

மதுரை: மக்கள் நீதி மய்யம் என்ற கட்சியை மதுரையில் நேற்று துவக்கி அறிவித்த கமல்ஹாசன் இன்று நிருபர்களுக்கு பேட்டியளித்தார்.

பேட்டியின்போது, கமல் கட்சியின் கொள்கைகள் என்ன என்ற கேள்வி எழுப்பப்படுகிறதே என்று நிருபர்கள் கேட்டனர். அதற்கு பதிலளித்த கமல், "நான் இடதுமல்ல வலதுமல்ல மய்யம் என்று கூறிவிட்டேன். இன்னும் என்ன கொள்கை என்றே கேட்டுக்கொண்டிருந்தால் என்ன அர்த்தம்.

நீங்கள் என்னவெல்லாம் செய்யவில்லையோ அதை செய்வது எங்கள் கொள்கை. உங்களிடம் எதையெல்லாம் எதிர்பார்த்து மக்களுக்கு கிடைக்கவில்லையோ, அதை செய்து கொடுப்பது எங்கள் கொள்கை. இவ்வாறு கமல்ஹாசன் தெரிவித்தார்.

கமல்ஹாசன் நேற்று தனது கட்சி அறிவிப்பு கூட்டத்தில் கொள்கை பட்டியலை விரிவாக எடுத்துக்கூறவில்லை. குறைந்த செலவில் தரமான கல்வி போன்ற ஒரு சில கொள்கைகளைத்தான் முன்வைத்தார். இது விமர்சனங்களுக்கு உள்ளாகியிருந்தது குறிப்பிடத்தக்கது.

English summary

"What you do not do is to do is our policy" says Kamal Haasan at a Press Meet in Madurai.