ப்ளூவேல் பாதிக்கப்பட்டோருக்கு ஆலோசனை வழங்க வாட்ஸ் அப் எண் 7708806111: மதுரை காவல்துறை

ப்ளூவேல் கேமால் பாதிக்கப்பட்டோருக்கு ஆலோசனை வழங்க 7708806111-ல் தொடர்பு கொள்ளலாம் என மதுரை போலீசார் தெரிவித்துள்ளார்.

மதுரை: ப்ளூவேல் கேமால் பாதிக்கப்பட்டோருக்கு ஆலோசனை வழங்க மதுரை காவல்துறை வாட்ஸ் எண்ணை வெளியிட்டுள்ளது. 7708806111 இந்த வாட்ஸ் அப் எண்ணில் ஆலோசனைகளை வழங்கலாம் என போலீசார் அறிவுறுத்தியுள்ளனர்.

மதுரை அருகே மொட்டை மலையை சேர்ந்த கல்லூரி மாணவர் விக்னேஷ் ப்ளூவேல் விளையாட்டில் சிக்கி தற்கொலை செய்து கொண்டார். கோவையிலும் ப்ளூவேல் விளையாடிய மாணவர் ஒருவரை போலீசார் எச்சரித்துள்ளனர்.

மதுரையில் 75 மாணவர்கள் ப்ளூவேல் விளையாட்டில் ஈடுபட்டுள்ளதாக தற்கொலை செய்து கொண்ட விக்னேஷின் தாயார் கூறினார். இதையடுத்து மதுரை மாவட்ட காவல்துறை விழிப்புணர்வு ஏற்படுத்துவதில் தீவிரம் காட்டி வருகின்றனர்.

ப்ளூவேல் விளையாட்டால் பாதிக்கப்பட்டோருக்கு ஆலோசனை வழங்க 7708806111 என்ற வாட்ஸ் அப் எண் வழங்கப்பட்டுள்ளதாகவும் மதுரை காவல்துறையினர் தெரிவித்துள்ளனர். ப்ளூவேல் விளையாடுகிறார்களோ என சந்தேகித்தாலும் இந்த வாட்ஸ் அப் எண்ணில் தெரிவிக்கலாம் என்றும் மதுரை போலீசார் தெரிவித்துள்ளனர்.

English summary

Madurai police said that anyone suspecting a Blue Whale victim should contact the police at WhatsApp number 77088 06111.