ஜெ. கொடுத்த ஐடியாவால்தான் ஹிலாரி போட்டியிடுவதாக சொன்னவர்.. இதோ இவர்தான்!

சென்னை: அமெரிக்கா அதிபர் தேர்தலில் போட்டியிட ஹிலாரி கிளிண்டனுக்கு ஐடியா கொடுத்ததே தமிழக முதல்வர் ஜெயலலிதாதான் என ஒரே போடாகப் போட்ட குன்னூர் அதிமுக எம்.எல்.ஏ. சாந்தி ஏ. ராமு, தேமுதிகவில் மாவட்ட செயலராக இருந்து அதிமுகவுக்கு தாவியவர்.. !

தமிழக சட்டசபையில் பரபரப்பாக மானியக் கோரிக்கை மீதான விவாதம் நடைபெற்ற போது திடீரென அமைதி நிலவியது... குன்னூர் எம்.எல்.ஏ. ராமு பேசியதைக் கேட்டு அதிமுக உறுப்பினர்களே வாயடைத்துப் போய்விட்டனர்.

ஆம் அவர் பேசியது, அமெரிக்கா அதிபர் தேர்தலில் போட்டியிட ஹிலாரி கிளிண்டனுக்கு ஆலோசனை சொன்னதே முதல்வர் ஜெயலலிதாதான் என்று ஒரே போடாகப் போட்டார்... யாரும் எதிர்பார்க்காத இந்த பேச்சு பெரும் அதிர்வலைகளை ஏற்படுத்தியது.

இப்படி பேசிய குன்னூர் எம்.எல்.ஏ. சாந்தி ஏ. ராமு படுகர் சமுதாயத்தைச் சேர்ந்தவர். இவருக்கு சொந்தமாக 2 தொழிற்சாலைகள் உள்ளன. இவருடைய சொந்த ஊர் கோத்தகிரி அருகே உள்ள அரவேனு கேத்திகேரி கிராமம். இவரது மனைவி பெயர் புஷ்பா.

தேமுதிகவில் நீலகிரி மாவட்ட செயலராக இருந்து வந்தார். கடந்த 2 ஆண்டுகளுக்கு முன்னர் அக்கட்சியில் இருந்து விலகி அதிமுகவில் இணைந்தவர். சட்டசபை தேர்தலின் போது "அம்மாவின் விருப்ப தொகுதி குன்னூர்; உங்கள் கோரிக்கைகள் உடனுக்குடன் நிறைவேறும்" என ரொம்ப உஷாராகவே பிரசாரம் செய்தார்.

தற்போது வெற்றி பெற்று சட்டசபைக்குள் நுழைந்த ராமு அதிரடியாக ஹிலாரி கிளிண்டனுக்கு ஐடியா கொடுத்ததே அம்மாதான் என ஒரே போடாகப் போட்டு சில நிமிடங்களில் ஜெயலலிதாவின் குட்புக்கில் இடம்பிடித்துவிட்டார்...

அப்புறம் என்ன அமைச்சர் பதவி "ரெடி"!

English summary

Here the Details of Connor ADMK MLA Ramu who said in Assembly Jayalalithaa was behind Hillary Clinton.