அதிமுக, தனிக்கட்சி, மீண்டும் அதிமுக, பாஜக.. கடைசியாக காங்.-ல் கரைந்த திருநாவுக்கரசர்!
சென்னை: தமிழக காங்கிரஸ் கமிட்டித் தலைவராக நியமிக்கப்பட்டுள்ள திருநாவுக்கரசர் அதிமுக, தனிக்கட்சி, மீண்டும் அதிமுக, பாஜக என பல கட்சிகளைத் தாண்டி 2009-ல்தான் காங்கிரஸ் கட்சியில் இணைந்தவர்.
67 வயதான திருநாவுக்கரசர் புதுக்கோட்டை மாவட்டம் அறந்தாங்கியைச் சேர்ந்தவர். 1977-ம் ஆண்டு அதிமுகவில் இணைந்தார். எம்.ஜி.ஆர் .ஆட்சிக் காலத்தில் துணை சபாநாயகராக, அமைச்சராக பணியாற்றினார்.
அதிமுக உடைந்தது ஜெயலலிதா தலைமையிலான அணியில் இருந்தார் திருநாவுக்கரசர். பின்னர் அதிமுகவை விட்டு விலகி எம்.ஜி.ஆர். அதிமுக என்ற தனிக்கட்சி தொடங்கினார். ஆனால் அது வெற்றி பெறவில்லை.
இதனால் எம்ஜிஆர் அதிமுகவை கலைத்துவிட்டு மீண்டும் அதிமுகவிலேயே இணைந்தார். ஆனால் அவரால் அதிமுகவில் நீடிக்க முடியவில்லை. மீண்டும் அதிமுகவில் இருந்து வெளியேறி பாரதிய ஜனதா கட்சியில் இணைந்தார். வாஜ்பாய் அரசில் மத்திய கப்பல் துறை இணை அமைச்சராகவும் பணியாற்றினார்.
பாஜகவின் ராஜ்யசபா எம்.பி.யாக, தேசிய செயலராகவும் திருநாவுக்கரசர் இருந்தார். பின்னர் பாஜகவில் இருந்து விலகி 2009-ம் ஆண்டு காங்கிரஸ் கட்சியில் இணைந்தார் திருநாவுக்கரசர். தற்போது காங்கிரஸ் கட்சியின் தேசிய தலைவராக இருக்கிறார் திருநாவுக்கரசர். கட்சியில் சேர்ந்த 7 ஆண்டுகளிலேயே மாநில தலைவர் பதவியை கைப்பற்றிவிட்டார் திருநாவுக்கரசர். பாஜகவிலும் இதைத்தான் எதிர்பார்த்து வந்தார் திருநாவுக்கரசர் என்பது குறிப்பிடத்தக்கது.
Click it and Unblock the Notifications
Sign in with Google