"டண்டணக்கா"... ஆடாத குறையாக வாழ்த்திய ஆதீனம்!

Updated: Saturday, May 23, 2015, 17:57 [IST]

Subscribe to Oneindia Tamil

சென்னை: முதல்வர் ஜெயலலிதா பதவியேற்பு விழாவில் காணக் கிடைக்காத பல காட்சிகளைக் காண முடிந்தது. வந்திருந்த அத்தனை பேர் முகத்திலும் சந்தோஷம் தாண்டவமாடியது.

அவ்வளவு உற்சாகமாக அத்தனை பேரும் ஜெயலலிதா முதல்வராகப் பதவியேற்றதைக் கண்டு களித்தனர்.

ஒவ்வொருவரிடமும் மரியாதை, பாசம் ஆகியவற்றை விட பவ்யம்தான் அதீதமாக காணப்பட்டது. பதவியேற்பு விழாவுக்கு வந்திருந்தவர்கள் குறித்த ஒரு ரவுண்டப்...

"ஐ" வி்ல்லனுடன் ஹீரோ பிரபு

ஐ படத்தில் வில்லன் கும்பலைச் சேர்ந்தவர்களில் ஒருவராக வந்து... சிவாஜி மாதிரியே இழுத்து இழுத்துப் பேசி அசத்திய அவரது மகன் ராம்குமார், தம்பி பிரபு, தயாரிப்பாளர் ஏவிஎம் சரவணன் சீரியஸாக பேசிக் கொண்டிருக்கும் காட்சி.

சிவக்குமாரும், அர்ஜூனும்

நடிகர்கள் சிவக்குமார், கார்த்தி, அர்ஜூன்.. ஆளுக்கு ஒரு முக பாவனையுடன்.. மனதில் என்ன ஓடிக் கொண்டிருந்ததோ!

மோடி குர்தாவில் விவேக்

நடிகர் விவேக், வழக்கம் போல தனது துணைவர் செல் முருகனுடன் ஆஜராகியிருந்தார். கண்ணில் ஒரு கண்ணாடி போட்டிருந்தார். பாக்கெட்டில் ஒரு குளிர் கண்ணாடியை தொங்க விட்டிருந்தார்.. !

சூப்பர் ஸ்டாரும், சுப்ரீம் ஸ்டாரும்

சூப்பர் ஸ்டார் ரஜினிகாந்த் வழக்கமாக வேட்டி சட்டையில் வருவார். இந்த முறை குர்தா, பைஜாமாவில் வந்திருந்தார். மாறாக, சரத்குமார் அரசியல்வாதியாக வேட்டி, சட்டையில் வந்திருந்தார்.