ஆர்.கே.நகரில் வெல்லப் போவது யார்.. ஒன்இந்தியா வாசகர்களின் பரபர தீர்ப்பு!

சென்னை: ஆர்.கே.நகர் இடைத் தேர்தலில் யார் வென்றால் என்ன என்பதுதான் மக்களின் வெறுப்பு மனப்பான்மை. ஆனால் பல ஆச்சரியங்களை இந்தத் தேர்தல் அளிக்கும் போலத் தெரிகிறது.

பல்வேறு கருத்துக் கணிப்புகளில் விதம் விதமான முடிவுகள் கூறப்பட்டு வியப்பை அளித்து வருகிறார்கள். சரி நமது வாசகர்களிடம் நாம் கேட்போம், என்ன சொல்கிறார்கள் என்று முடிவு செய்து இந்தத் தேர்தலில் யார் வெல்வார்கள் என்று கட்சி பெயரைச் சொல்லாமல் தேர்தல் சின்னத்தைப் போட்டு கேள்வி கேட்டிருந்தோம்.

அதில் கிடைத்த முடிவுகள் சுவாரஸ்யமானவை. இந்த கேள்விக்கு இதுவரை மொத்தம் பதிவான வாக்குகள் 30 ஆயிரத்து 226 ஆகும். அதில் பெரும்பாலானவர்களின் வாக்கு யாருக்கு கிடைத்தது, மோசமான வாக்குகளைப் பெற்றது யார் என்பதைப் பற்றி இங்கு பார்ப்போம்.

பாஜகவுக்குக் கிடைத்த வாக்குகள்

பாஜகவின் தாமரை சின்னத்துக்கு கிடைத்த வாக்குகள் வெறும் 2.2 சதவீதமாகும். மொத்த வாக்குகளில் 682 வாக்குகளே தாமரைக்குக் கிடைத்துள்ளது. பரிதாபமான நிலைதான். 5வது இடமே கிடைத்துள்ளது.

அதிமுகவுக்குக் கிடைத்த வாக்குகள்

இரட்டை இலை சின்னத்துக்குக் கிடைத்த வாக்குகள் 12.33 சதவீதமாகும். அதாவது 3727 வாக்குகள் கிடைத்துள்ளன. அதாவது நாம் தமிழரை விட இது குறைவாகும். 4வது இடத்தைப் பிடித்துள்ளது அதிமுக.

நாம் தமிழருக்குக் கிடைத்த வாக்குகள்

இரட்டை மெழுகுவர்த்தி சின்னத்துக்கு அதாவது நாம் தமிழர் கட்சியின் சின்னத்துக்குக் கிடைத்த வாக்குகள் 15.45 சதவீதமாகும். அதாவது பதிவான வாக்குகளில் 4671 வாக்குகள் இக்கட்சிக்குக் கிடைத்தது. இக்கட்சி 3வது இடத்தைப் பிடிக்கிறது.

தினகரனுக்குக் கிடைத்த வாக்குகள்

குக்கர் சின்னத்துக்கு அதாவது தினகரனின் கட்சிக்குக் கிடைத்துள்ள வாக்குகள் 18 சதவீதமாகும். மொத்த வாக்குகளில் இவருக்குக் கிடைத்த வாக்குகள் 5442 ஆகும். இவருக்கு 2வது இடம் கிடைத்துள்ளது

திமுகவுக்குக் கிடைத்த வாக்குகள்

திமுகவின் உதயசூரியன் சின்னத்துக்கு கிடைத்த வாக்குகள் 45.87 சதவீதமாகும்.அதாவது 13,865 வாக்குகள் இக்கட்சிக்குக் கிடைத்துள்ளன. இதுதான் பதிவான வாக்குகளியே அதிகம். அதாவது திமுக முதலிடத்தைப் பிடிக்கிறது.

மற்றவர்கள் வெல்ல ஆதரவு

இவர்களைத் தவிர வேறு யாராவது வெல்வார்கள் என்று கூறியோரின் வாக்குகள் 6.08 சதவீதமாகும். அதாவது 1839 வாக்குகள் கிடைத்துள்ளன. இது பாஜகவுக்குக் கிடைத்ததை விட கூடுதலாகும்.

English summary

Oneindia Tamil readers have voted for DMK in the forthcoming RK Nagar By election and Dinakaran has got 2nd place. Naam Tamilar party fetches 3rd place. ADMK has been pushed to 4th place.