• search
For Quick Alerts
ALLOW NOTIFICATIONS  
For Daily Alerts

வைகோவை பரிதாப அதிமுக தொண்டர்கள் மலைபோல நம்புவது இதற்குதான்...!

By Mathi
|

சென்னை: திக்கு தெரியாத காட்டில் இருக்கும் அதிமுக தொண்டர்கள் பாஜக, திமுகவின் நெருக்கடிகளில் இருந்து கட்சியை காப்பாற்ற மதிமுக பொதுச்செயலர் வைகோவை மலைபோல நம்பியிருப்பதாக கூறுகின்றனர்.

ஜெயலலிதா மறைவைத் தொடர்ந்து அதிமுகவின் அடுத்த தலைமை யார் என்பது புரியாத புதிராக இருக்கிறது. சசிகலா, ஓபிஎஸ் அணிகள் வரிந்து கட்டிக் கொண்டு அதிமுகவை கட்டுப்பாட்டில் கொண்டுவர முயற்சிக்கின்றன.

ஜெயலலிதா வகித்து வந்த பொதுச்செயலர் பதவிக்கு பெரிய முட்டல் மோதல் தொடங்கியுள்ளது. சசிகலாவே அதிமுகவின் பொதுச்செயலராகக் கூடும் என்றெல்லாம் கூறப்படுகிறது. தற்போதைய அதிமுகவின் நிலை அக்கட்சி தொண்டர்களை கதிகலங்க வைத்துள்ளது.

நெருக்கடி தரும் பாஜக, திமுக

நெருக்கடி தரும் பாஜக, திமுக

உட்கட்சி மோதல்களுக்கு அப்பால் மத்திய பாஜக அரசு இன்னும் எத்தனை நெருக்கடிகளை கொடுக்குமோ என்ற கவலையும் அதிமுக தொண்டர்களை வாட்டி வருகிறது. அதுமட்டுமின்றி தற்போதைய சூழ்நிலையை பயன்படுத்தி திமுக என்ன மாதிரியான நெருக்கடியை கொடுக்குமோ என்கிற கவலையும் அதிமுகவினருக்கு உள்ளது.

வைகோ மீது நம்பிக்கை

வைகோ மீது நம்பிக்கை

அதே நேரத்தில் பாஜக மற்றும் திமுகவின் நெருக்கடிகளை எதிர்கொள்ள எப்படியும் வைகோ தங்களுக்கு ஆதரவாகவே இருப்பார் என நம்புகின்றனர். இதற்கு 2 நிகழ்வுகளையும் சுட்டிக்காட்டுகின்றனர் அதிமுக தொண்டர்கள்.

இடைக்கால முதல்வர் விவகாரம்

இடைக்கால முதல்வர் விவகாரம்

ஜெயலலிதா மருத்துவமனையில் சேர்க்கப்பட்டபோது திமுக உள்ளிட்ட கட்சிகள் 'இடைக்கால முதல்வர்' கோரிக்கையை முன்வைத்தன. அப்போது அப்பல்லோ மருத்துவமனைக்கு போன வைகோ அப்படியே ஆளுநர் மாளிகைக்குப் போனார். தம்முடைய பழைய நண்பரான வித்யாசாகர் ராவை சந்தித்தேன் என்று கூறிய வைகோ அப்படியே இடைக்கால முதல்வர் என்ற பேச்சுக்கே இடமில்லை என அதிமுகவின் செய்தித் தொடர்பாளராகவும் குரல் கொடுத்தார். இடைக்கால முதல்வர் என்ற கோரிக்கையை ஏற்கவே கூடாது என்றே வித்யாசாகர் ராவிடம் வலியுறுத்த சென்றார் வைகோ என்பதுதான் இச்சந்திப்பின் பின்னணி.

சட்டசபை குழுக்கள்...

சட்டசபை குழுக்கள்...

அதேபோல் சட்டசபை குழுக்களை உடனே அமைக்க வேண்டும் என்று எதிர்க்கட்சித் தலைவர் ஸ்டாலின் நெருக்கடி கொடுத்ததுடன் ஆளுநரை சந்தித்து பேசுவதாகவும் அறிவித்தார். அன்றைய நாளும் வைகோ, ஆளுநர் வித்யாசாகர் ராவை சந்தித்தார். அப்போது ஜல்லிக்கட்டு விவகாரம் குறித்து பேசியதாக செய்தியாளர்களிடம் கூறினார் வைகோ. ஆனால் தற்போதைய நிலையில் அதிமுக அரசால் எதுவும் செய்ய முடியாது; ஸ்டாலின் வேண்டுமென்றே நெருக்கடி கொடுப்பதால் அதை ஏற்காதீர்கள் என வலியுறுத்ததான் சென்றாராம் வைகோ.

திருநாவுக்கரசர்

திருநாவுக்கரசர்

இதேபோல் பாஜக ஏதாவது நெருக்கடி கொடுக்கும்போதும் வைகோ தங்களுக்காக பேசுவார் என்பது அதிமுகவினரின் மலையான நம்பிக்கை. என்னதான் திமுகவுடன் கூட்டணி வைத்திருந்தாலும் அண்மைக்காலமாக அதிமுகவை அனுதாபத்துடன் அணுகுகிறது காங்கிரஸ். காங்கிரஸ் கட்சியின் அனுசரணையைப் பெற்றுத்தர தங்களுக்கு திருநாவுக்கரசர் இருக்கிறார்... பழைய பாசம் இன்னும் இருப்பதால் திருநாவுக்கரசரும் தங்களுக்கு எப்படியும் உதவுவார் என்றும் நம்புகின்றனர் அதிமுகவினர்...

வரலாற்று சோகம்

வரலாற்று சோகம்

ஜெயலலிதா என்ற இரும்புப் பெண்மணியின் கண்ணசைவில் இந்திய அரசியல் சரித்திரமே மாறிய நிகழ்வுகள் உண்டு. அவர் தலைமை வகித்த பேரியக்கம் இன்று வேறு கட்சிகளின் தலைவர்களின் அரவணைப்புக்காக காத்திருப்பது வரலாற்று சோகமே!

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
English summary
ADMK Cadres confident over MDMK General Secretary Vaiko who will rescue their party from DMK, BJP's hidden agenda.

நாள் முழுவதும் oneindia
செய்திகளை உடனுக்குடன் பெற

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more