சாய்னா பற்றி ட்வீட்ட போட்ட மத்திய அமைச்சர் வெங்கையா நாயுடுவை ஏன் ஓட்டுறாங்க?
சென்னை: ஆஸ்திரேலிய ஓபன் பேட்மிண்டன் போட்டியில் வெற்றி பெற்ற சாய்னா நேவாலை பாராட்டி ட்வீட் போட்ட மத்திய அமைச்சர் வெங்கையா நாயுடுவை மக்கள் சமூக வலைதளங்களில் கிண்டல் செய்துள்ளனர்.
ஆஸ்திரேலிய சூப்பர் சீரிஸ் பேட்மிண்டன் போட்டியில் சாய்னா நேவால் வெற்றி பெற்றார். இதையடுத்து அவரை வாழ்த்தி மத்திய அமைச்சர் வெங்கையா நாயுடு ட்வீட் போட்டார். அது தான் பிரச்சனையாகிவிட்டது.
வாழ்த்த வேண்டும் என்ற வேகத்தில் அவர் ஒரு தவறு செய்துவிட்டார்.
டென்னிஸ்
ஆஸ்திரேலிய டென்னிஸ் போட்டியில் வெற்றி பெற்ற சாய்னா நேவாலுக்கு வாழ்த்துக்கள் என வெங்கையா நாயுடு ட்விட்டரில் தெரிவித்தார். பேட்மிண்டன் என்பதற்கு பதிலாக டென்னிஸ் என தவறுதலாக குறிப்பிட்டுவிட்டார்.
|
கிண்டல்
பேட்மிண்டன் வீராங்கனை சாய்னா நேவால் டென்னிஸ் போட்டியில் வெற்றி பெற்றதாக தவறுதலாக ட்வீட் போட்ட வெங்கையா நாயுடுவை மக்கள் சமூக வலைதளங்களில் கிண்டல் செய்துள்ளனர்.
|
வெங்கையா நாயுடு
மக்கள் கிண்டல் செய்த பிறகு தான் வெங்கையா நாயுடுவுக்கு தான் செய்த தவறு தெரிய வந்தது. இதையடுத்து அந்த ட்வீட்டை அவர் நீக்கிவிட்டார். அதற்கு பதிலாக பேட்மிண்டன் போட்டியில் வெற்றி பெற்ற சாய்னாவுக்கு வாழ்த்துக்கள் என ட்வீட்டினார்.
|
இதற்கு தான்
இந்த ட்வீட்டால் தான் மக்கள் உங்களை கிண்டல் செய்கிறார்கள் என வெங்கையா நாயுடு செய்த தவறை சுட்டிக் காட்டியுள்ளார் ஜேக்கப் என்பவர்.