சின்னம்மா..சின்னம்மான்னு அமைச்சர்கள் மீடியாவில் பேட்டி கொடுப்பது எல்லாம் நடிப்பு கோப்ப்பால்!

சசிகலாவை புகழும் எந்த அமைச்சரும் தனிப்பட்ட முறையில் தம்மை சந்திப்பவர்களிடம் அவர்களை பற்றியே பேசுவதே இல்லையாம். அமைச்சர் பதவியை தக்க வைக்கத்தான் இந்த பேட்டிகள் என்பதை மறைமுகமாக சொல்கின்றனராம்

சென்னை: ஊடகங்களில் எங்க சின்னம்மா...எங்க சின்னம்மா என்று சசிகலாவை புகழும் அமைச்சர்கள் பலரும் உண்மையிலேயே வேறுவழியில்லாமல்தான் அப்படி சொல்லும் நிலையில் உள்ளதாக தலைமைச் செயலக வட்டாரங்கள் தெரிவிக்கின்றன.

ஜெயலலிதா மறைவுக்குப் பின்னர் முதல்வராக பன்னீர்செல்வம் பொறுப்பேற்றார். ஆனாலும் தலைமை செயலகத்தில் பெரிய அளவில் சுறுசுறுப்பு எதுவும் இல்லை.

எல்லாமே பூடகமாகவே பேசப்பட்டு வருகின்றன. அதுவும் அமைச்சர்கள் 'சின்னம்மா... சின்னம்மா....' என சசிகலாவுக்கு புகழாரம் சூட்டி பேட்டி கொடுத்து அதிர வைக்கின்றனர்.

அப்படிப்பட்ட அமைச்சர்களை சந்தித்துவிட்டு திரும்பிய பலரும்... சின்னம்மான்னு அவர் சொல்றதெல்லாம் சும்மாங்க... அவங்க முதல்வராவதை யாராலும் தடுக்க முடியாதுன்னு தெரிஞ்சுபோச்சு... சொல்லி வைப்போம்னு சொல்லி வைக்கிறார்கள்... எங்ககிட்ட ஒருவார்த்தைகூட அந்த குடும்பத்தை பத்தி பேசவே இல்லை என்றுதான் சொல்கின்றனர்.

அவர்களைப் பொறுத்தவரை அமைச்சர் பதவியை தக்க வைக்க வேண்டும் என்பதைத் தவிர வேறு எந்த ஒரு சிந்தனையுமே இல்லை...அதற்காக எத்தனை குட்டி கரணம் அடிக்கவும் தயாராக இருக்கிறார்கள் என்பதுதான் நிதர்சனம்.

வேறு என்ன செய்வது... உண்மை தொண்டர்கள் நம்மிடம் இல்லை... காக்கைகளை வைத்துதான் காலம் ஓட்ட முடியும் என்பது சசிகலாவுக்கும் தெரியாமல் இல்லையே!

English summary

Here the reasons for Tamilnadu Ministers praising slogans of "Chinnammaa" "Chinnammaa".