திரைப்படங்களில் தொடர்ந்து நடிப்பேன்.. கமல்ஹாசன் அதிரடி பேட்டி!

Posted By:
Subscribe to Oneindia Tamil
    கமலின் முதல் அரசியல் மாநாடு | கமல் இனி நடிப்பாரா? | Oneindia Tamil

    சென்னை: திரைப்படங்களில் தொடர்ந்து நடிப்பேன் என நடிகர் கமல்ஹாசன் பேட்டி அளித்து இருக்கிறார். இதன் மூலம் அவர் சினிமாவை விட்டு செல்கிறார் என்ற தகவலுக்கு முற்றுப்புள்ளி வைக்கப்பட்டுள்ளது.

    நடிகர் கமல்ஹாசன் ஜனவரி மாதம் 16ம் தேதி இரவு தன்னுடைய அரசியல் அறிவிப்பை வெளியிட்டார். பிப்ரவரி 21-ந் தேதி தமது கட்சிப் பெயரை அறிவித்து சுற்றுப்பயணத்தை தொடங்க உள்ளதாக அவர் அறிவித்துள்ளார். ராமேஸ்வரத்தில் உள்ள அப்துல் கலாம் வீட்டிலிருந்து அரசியல் பயணத்தை தொடங்கவுள்ளதாக தெரிவித்துள்ளார்.

    Will continue in acting - Kamal Haasan

    இந்த நிலையில் அவர் அரசியலுக்கு வருவதால் சினிமாவில் நடிக்க மாட்டார் என்று கூறப்பட்டது. இந்தியன் 2 படத்துக்கு பிறகு இனி படங்களில் நடிக்க மாட்டார் என்றும் தகவல் வந்தது.

    ஆனால் கமல் தற்போது இந்த தகவலுக்கு மறுப்பு தெரிவித்துள்ளார். அதில் ''நான் திரைப்படங்களில் தொடர்ந்து நடிப்பேன்'' என்றுள்ளார்.

    மேலும் ''படங்களில் நடிப்பதா, இல்லையா என்று இப்போது என்னால் சொல்ல முடியாது. முழுநேர அரசியலுக்கு வந்த பிறகுதான் அதுபற்றி சொல்ல முடியும்'' என்றுள்ளார்.

    முக்கியமாக ''தற்போது 3 படங்களுக்கு ஒப்பந்தம் செய்துள்ளேன். அதில் இரண்டு படங்கள் விரைவில் வெளிவர வேண்டும். இன்னொரு படம் இனிதான் ஷூட்டிங் தொடங்கும். எனவே சினிமாவை விட்டு செல்வது குறித்து இப்போது பேச முடியாது'' என்றுள்ளார்.

    திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

    English summary
    Kamalhassan discusses with his fanc club members regarding political party to be registered in EC. He says that he will indulge in politics for full time. He also says that he will continue in acting.

    நாள் முழுவதும் oneindia
    செய்திகளை உடனுக்குடன் பெற