கோஹினூர் வைரம் போன்ற ஜெ. கட்சியுடன் தான் கூட்டணி: நடிகர் கார்த்திக்
Subscribe to Oneindia Tamil
ராமநாதபுரம்: வரும் சட்டசபை தேர்தலில் அதிமுகவுடன் கூட்டணி வைக்கப் போவதாக நடிகர் கார்த்திக் தெரிவித்துள்ளார்.
ராமநாதபுரம் மாவட்டம் பசும்பொன்னில் முத்து ராமலிங்கத் தேவர் ஜெயந்தி விழா இன்று நடந்து வருகிறது. இந்த விழாவில் நடிகர் கார்த்திக் கலந்து கொண்டார். அவர் தேவர் நினைவிடத்தில் மலர் தூவி மரியாதை செலுத்தினார்.
அதன் பிறகு அவர் செய்தியாளர்களிடம் கூறுகையில்,
வரும் தமிழக சட்டசபை தேர்தலில் அதிமுகவுடன் தான் கூட்டணி வைப்போம். கடந்த தேர்தலில் தான் அதிமுகவுடன் கூட்டணி வைக்க முடியாமல் போனது. முதல்வர் ஜெயலலிதா கோஹினூர் வைரம் போன்ற குணம் உள்ளவர்.
சட்டசபை தேர்தலில் தனிப் பெரும்பான்மையுடன் வெற்றி பெறக் கூடிய ஒரே கட்சி அதிமுக தான். 95 சதவீத முக்குலத்தோர் வறுமைக்கோட்டிற்கு கீழ் உள்ளனர். அவர்களுக்கு வேலைவாய்ப்பில் இடஒதுக்கீடு வழங்க வேண்டும் என்றார்.
Click it and Unblock the Notifications
Sign in with Google