எதை எடுத்தாலும் "2" பாஸ்.. அதிமுகவினரின் கண்களுக்கு (மட்டும்) தெரிந்த ஜெ. ராசி!
சென்னை: ஜெயலலிதா என்றால் ஜோதிடம், ராசி, சென்டிமென்ட் என்று நிறையவே அடுக்கலாம். அந்த வகையில் நேற்று கூட சில ராசியான சம்பவங்களைப் பட்டியலிட்டு எல்லாம் "அம்மா"வுக்கு சாதகமாகத்தான் இருக்கு என்று அதிமுகவினர் புளகாங்கிதத்துடன் கூறி வருகின்றனர்.
காணாமல் போவோரைக் கண்டுபிடிக்க எப்படி "பேமிலி சாங்" இருக்குமோ.. அதேபோல ஒவ்வொருவருக்கும் ஒரு ராசி எண் இருக்கும். உங்களுக்கு அந்த எண் இல்லைன்னு கவலைப்படாதீங்க.. ஆனா ஜெயலலிதாவுக்கு இருக்கு பாஸ். இப்போதைக்கு அவரது ராசி எண் 2 என்று சொல்கிறார்கள் (யாரு...?)
இதை வைத்தும், நேற்று ஜெயலலிதா ஓட்டுப்போட வந்தபோது நடந்த சிலவற்றை வைத்தும் ஒரு ராசி செய்தி ஓட ஆரம்பித்துள்ளது. அதாவது நேற்று ஜெயலலிதாவின் ராசியான 2 எண் வரும்படியாக சில நிகழ்வுகள் தற்செயலாக நடந்ததாம்.
ஜெயலலிதாவின் வாக்காளர் வரிசை எண் 1100 என்பதாகும் (கூட்டிப் பார்த்தால் 2 வருதா...)
அவர் வாக்களித்த நேரம் 9.56 மணி (கூட்டிப் பார்த்தால் 2 வருதா..)
ஜெயலலிதா வாக்களித்தபோது அவர் அந்த வாக்குச் சாவடியில் 200வது வாக்காளர் ஆவார் (இதுலயும் 2 வருதா...)
வாக்களித்து முடித்து விட்டு வெளியே வந்த ஜெயலலிதா செய்தியாளர்களின் கேள்விகளுக்கு இன்னும் 2 நாளில் முடிவு தெரியும் என்று சொன்னாரா.. அதுலயும் "2" வருதா...!
இன்னும் உங்களுக்கு நம்பிக்கை வரலையா.. எல்லாத்தையும் விட்ருங்க.. ஜெயலலிதா போட்டியிடும் தொகுதி பேரு என்ன....dr radhakrishnan nagar.. மொத்த எழுத்து எத்தனை... 20.. இப்பச் சொல்லுங்க.. பாஸ்... சொல்லுங்க...!
எப்பூடி!
Click it and Unblock the Notifications
Sign in with Google