2017 ஆகஸ்ட் மீண்டும் திரும்புமா?.. பெரும் எதிர்பார்ப்பில் திமுக!
Recommended Video
சென்னை: திமுக தலைவர் கருணாநிதிக்கு கடந்த ஆண்டு ஆகஸ்ட் மாதமும் ஒரு உடல் நலச் சிக்கல் ஏற்பட்டது. அதிலிருந்து மீண்டு வீடு திரும்பினார் கருணாநிதி. அதேபோல இந்த ஆண்டும் அவர் நலமுடன் திரும்ப வேண்டும் என திமுகவினர் பிரார்த்தித்தபடி உள்ளனர்.
திமுக தலைவர் கருணாநிதி ஆழ்வார்ப்பேட்டை காவேரி மருத்துவமனையில் அனுமதிக்கப்பட்டுள்ளார். அவரது உடல் நிலை தேறி வருவதாக தெரிவிக்கப்பட்டுள்ளது.
இந்த நிலையில் ஆகஸ்ட் மாதத்திற்கும், காவேரி மருத்துவமனைக்கும், கருணாநிதிக்கும் இடையே ஒரு சின்ன ஒற்றுமை உள்ளது. கடந்த ஆண்டு ஆகஸ்ட் 16ம் தேதி இதேபோல காவேரி மருத்துவமனையில் அனுமதிக்கப்பட்டார் கருணாநிதி. பின்னர் சிகிச்சைக்குப் பின்னர் அவர் மாலையில் வீடு திரும்பினார். நலமுடன் அவர் வீடு திரும்பியது திமுகவினரை பெரும் மகிழ்ச்சியில் ஆழ்த்தியது.
அதேபோல இந்த வருடமும் அவர் காவேரி மருத்துவமனையில் அனுமதிக்கப்பட்டுள்ளார். இந்த முறை நீண்ட நாட்களாக அவர் மருத்துவமனையில் இருக்கிறார். இது திமுகவினரை கவலையில் ஆழ்த்தியுள்ளது. ஆனால் கடந்த ஆண்டு போலவே இந்த வருடமும் கருணாநிதி நலம் பெற்று கம்பீரமாக வீடு திரும்புவார் என்ற நம்பிக்கையில் கட்சியினர் உள்ளனர்.
தொண்டர்களின் வாழ்த்தும், காத்திருப்பும்தான் கருணாநிதியின் உண்மையானே பலமே.. காத்திருப்பு வீண் போகாமல் கருணாநிதி நலம் பெற்றுத் திரும்பட்டும.