அந்த அம்மா பயத்துல விஷால் ரெட்டி ரெட்டின்னு ரொட்டி சுடுறாங்க: வடிவேலு பரபர பேட்டி

By Siva

Updated: Friday, October 9, 2015, 8:58 [IST]

Subscribe to Oneindia Tamil

மதுரை: விஷால் எதிர்த்ததால் அவரை ரெட்டிங்கிறாங்க அப்போ ரஜினிகாந்த் எதிர்த்தால் அவரை சிவாஜி ராவ் என்று சொல்லுவாங்களோ என நடிகர் வடிவேலு தெரிவித்துள்ளார்.

நடிகர் சங்க தேர்தலில் சரத்குமார் அணி, விஷால் அணி என இரண்டு அணிகள் மோதுகின்றன. இரு அணியினரும் கலைஞர்களை சந்தித்து ஆதரவு கோரி வருகிறார்கள். இந்நிலையில் நடிகை ராதிகா விஷாலை விஷால் ரெட்டி என்று சாதிப் பெயரை தெரிவித்து அழைத்தார்.

இது குறித்து நடிகர் வடிவேலு செய்தியாளர்களுக்கு பேட்டி அளித்துள்ளார். அப்போது அவர் கூறுகையில்,

சரத்குமார்

எனக்கும் விஜயகாந்துக்கும் பிரச்சனை வந்தபோது சரத்குமார் தான் பேச்சுவார்த்தை நடத்தியதாக ராதிகா தெரிவித்துள்ளார். அவங்க ரொம்ப பொய் சொல்றாங்க. ஏன் இப்படி பிட் போடணும்.

கமல்

விஷாலை தூண்டிவிடுவது தான் கமல்ஹாஸனின் வேலையா. அவருக்கு என்ன வேறு வேலை இல்லையா? யாரும் யாரையும் தூண்டிவிடத் தேவையில்லை. அவர் அவருக்கு மூளை இருக்கிறது, அறிவு இருக்கிறது.

நடிகர் சங்கம்

அனைவருக்கும் பொதுவான சொத்தான நடிகர் சங்கத்தை மாமனும், மச்சானுமாக சேர்ந்து இடித்துவிட்டனர். கேட்டால் நீங்கள் ஏன் முன்பே வரவில்லை என்கிறார்கள். நாங்கள் எல்லாம் வரவில்லை என்றால் அதை இடித்துவிடுவீர்களா, விற்றுவிடுவீர்களா?

சிம்பு

சிம்பு ஒரு நல்ல கலைஞன். அவரை தூண்டிவிட்டு பேச வைக்கிறார்கள். அவர் பேசியது தவறு. அவர் உணர்ச்சிவசப்பட்டு பேசியதாக பாக்யராஜே கூறியிருக்கிறார்.

ரஜினி

ரஜினி சாருக்கு எந்த அணிக்கு வாக்களிக்க வேண்டும் என தெரியும். அந்த அம்மா ராதிகா பேச்சுக்கு பேச்சு விஷால் ரெட்டி விஷால் ரெட்டி என்கிறாங்க. அனைத்து மொழி நடிகர்களும் இருக்கும் இடத்தில் விஷால் ரெட்டி என்று அவர் எதற்காக கூற வேண்டும்.

ஊர்வசி

தனது பக்கத்தில் சேச்சி ஊர்வசியை வைத்துக் கொண்டு அந்த அம்மா விஷால் ரெட்டி ரெட்டிங்குறாங்க. அப்போ ரஜினிகாந்த் எதிர்த்தால் அவரை சிவாஜி ராவ் என்பீர்களா? யார் எதிர்த்தாலும் சாதியை சொல்லுவீங்களா?