2011ல் வெறும் 17 பேர்தான்.. இந்த முறை எத்தனை பெண்கள் சட்டசபைக்குப் போகப் போகிறார்களோ?

சென்னை: 2011 சட்டசபைத் தேர்தலில் வெறும் 17 பெண்கள் மட்டுமே வெற்றி பெற்று எம்.எல்.ஏக்கள் ஆகினர். இந்த முறையாவது அவர்களின் எண்ணிக்கை கூடுமா என்ற எதிர்பார்ப்பு எழுந்துள்ளது.

பொதுவாகவே சட்டசபை மற்றும் நாடாளுமன்றத்தில் பெண்களுக்கான பிரதிநிதித்துவம் குறைவாகவே உள்ளது.

இதற்காகத்தான் 33 சதவீத இட ஒதுக்கீடாவது கொடுங்கப்பா என்ற கோரிக்கை நீண்ட காலமாக உள்ளது. ஆனால்அதற்கும் கூட வழியில்லாத நிலைதான்.

143 பேர் போட்டி

தமிழக சட்டசபையில் கடந்த 2011ல் நடந்த தேர்தலின்போது மொத்தமே 143 பேர்தான் போட்டியிட்டனர். கட்சி வேட்பாளர்கள், சுயேச்சை வேட்பாளர்கள் இதில் அடக்கம்.

2006ல் 156

கடந்த 2006ம் ஆண்டு நடந்த சட்டசபைத் தேர்தலில் இதை விட அதிகமாக அதாவது 156 பெண்கள் பல்வேறு கட்சிகள் சார்பிலும், சுயேச்சையாகவும் போட்டியிட்டிருந்தனர்.

வென்றது 17 பேர்தான்

இதில் 17 வேட்பாளர்கள் மட்டுமே வென்று எம்.எல்.ஏக்கள் ஆகினர். 111 வேட்பாளர்களுக்கு டெபாசிட் தொகை பறிபோனது.

வரலாறு காணாத பின்னடைவு

அதற்கு முந்தைய தேர்தல்களை விட 2011ல்தான் பெண் வேட்பாளர்களுக்கு யோகம் அடிக்கவில்லை என்று கூற வேண்டும்.

2006ல் பரவாயில்லை

2006ம் ஆண்டு பரவாயில்லை. அப்போது நடந்த தேர்தலில் 22 பெண் வேட்பாளர்கள் வெற்றி பெற்று சட்டசபைக்குச் சென்றனர் என்பது குறிப்பிடத்தக்கது.

சென்னையில் வெறும் 3 பேர்தான்

சென்னையைப் பொறுத்தவரை வெறும் 3 பெண்கள் மட்டுமே சட்டசபைக்கு தேர்ந்தெடுக்கப்பட்டனர். பா. வளர்மதி, கோகுல இந்திரா, ராஜலட்சுமி ஆகியோரே அவர்கள். பின்னர் ஆர்.கே.நகர் இடைத் தேர்தலில் ஜெயலலிதா வெற்றி பெற்றார்.

அதிமுகவுக்கு ஆட்கள் அதிகம்

வென்ற 17 பெண் எம்.எல்.ஏக்களில் அதிமுகவினரே அதிகம். அதாவது ஜெயலலிதா உள்பட 9 பேர் போட்டியிட்டனர். 9 பேரும் வெற்றி பெற்றனர். அதேசமயம், அதிமுக வெறும் (ஜெயலலிதாவையும் சேர்த்து) 9 பெண்களுக்கு மட்டுமே சீட் கொடுத்தது என்பது குறிப்பிடத்தக்கது.

திமுகவிலிருந்து ஒருவர் மட்டுமே

அதேசமயம், திமுக சார்பில் 11 பேர் போட்டியிட்டனர். அதில் கன்னியாகுமரி மாவட்டத்தில் புஷ்பலீலா மட்டுமே வெற்றி பெற்று சட்டசபைக்குச் சென்றார்.

காங்கிரஸிலிருந்து ஒருவர்

காங்கிரஸ் கட்சியிலிருந்து விஜயதாரணி வெற்றி பெற்று சட்டசபைக்குச் சென்றார். சிபிஎம் கட்சியிலிருந்து பாலபாரதி திண்டுக்கல்லில் வென்றார்.

English summary

In 2011 assembly elections, 17 woman candidates won the elections and elected to the assembly. But this time the number will go up?