ரஜினியின் ‘பெயர் மாற்ற’ கோரிக்கையை வெற்றி பெறும் அணி முடிவு செய்யும்: குஷ்பு

சென்னை: நடிகர் சங்கத்தின் பெயரை மாற்றுவது தொடர்பான ரஜினியின் கோரிக்கையை வெற்றி பெறும் அணி முடிவு செய்யும் என நடிகை குஷ்புத் தெரிவித்துள்ளார்.

தென்னிந்திய நடிகர் சங்கத் தேர்தலுக்கான வாக்குப்பதிவு சென்னை மயிலாப்பூர் ராதாகிருஷ்ணன் சாலையில் உள்ள பள்ளியில் நடந்து வருகிறது. இந்தத் தேர்தலில் சரத்குமார் அணியும், விஷால் அணியும் எதிரெதிராக மோதுவதால் பரபரப்பு ஏற்பட்டுள்ளது.

நடிகர், நடிகைகள் தங்களது வாக்குகளை பதிவு செய்து வருகின்றனர். வாக்களித்தபின் செய்தியாளர்களை அவர்கள் சந்தித்து வருகின்றனர்.

அதன்படி, நடிகை குஷ்பு வாக்களித்த பின் செய்தியாளர்கள் மத்தியில் கூறியதாவது:-

‘நல்ல படியாக வாக்குபதிவுகள் நடக்கின்றன. கண்டிப்பாக வெற்றி நல்ல அணிக்கே வந்து சேரும் என்ற நம்பிக்கை எங்களுக்கு இருக்கிறது. எந்த அணிக்கு எனது ஆதரவு என நான் ஏற்கனவே சொல்லிவிட்டேன். வெற்றி இன்று மாலை தெரிந்துவிடும். ரஜினி சார் ஒரு கோரிக்கை வைத்திருக்கிறார் என்றால் வெற்றி பெறும் அணி தான் அதை முடிவு செய்யவேண்டும் நான் முடிவு பண்ணக்கூடாது' என்றார்.

இதேபோல், வாக்களித்தபின் நடிகர் சரத்பாபு கூறுகையில், "தேர்தல் ரொம்ப அமைதியாக போய்கொண்டு இருக்கிறது. அதேபோல அமைதியாகவே முடியும். தேர்தல் முடிவுகளும் பெரும்பாலான மக்களின் விருப்பத்திற்கு இனங்கவே முடிவுகளும் இருக்கும். நடிகர் சங்கத்துக்கு எந்த அணி நல்லது பண்ணுமோ அந்த அணி தான் வரும். மறுபடியும் நடிகர் சங்கத்தோட வைபவத்தை நாம் கண்ணால் பார்க்கலாம்" எனத் தெரிவித்தார்.

English summary

Actress Kushboo has said that the winning team will decide on the name change of actors association.