சாப்பாட்டை சிந்தியதற்காக குழந்தையை இறக்கமின்றி அடிக்கும் பெண்.. கொலைநடுங்க வைக்கும் வைரல் வீடியோ!

சாப்பாட்டை கீழே சிந்தியதற்காக பெண் ஒருவர் குழந்தையை கொடூரமாக அடிக்கும் வீடியோ சமூக வலைதளங்களில் வைரலாக பரவி வருகிறது.

கொலாலம்பூர் : 6 வயது மதிக்கத்தக்க குழந்தையை பெண் ஒருவர் ஸ்கேலால் கடுமையாக அடித்து துன்புறுத்தும் காட்சிகள் சமூக வலைதளங்களில் வைரலாக பரவி வருகிறது.

நேற்று இரவு முதல் சமூக வலைதளத்தில் ஒரு வீடியோ வைரலாக பரவி வருகிறது. 2 .50 விநாடிகள் ஓடும் அந்த வீடியோ காட்சியில், 55 வயது மதிக்கத்தக்க பெண் ஒருவர் கையில் மரக்கட்டையை வைத்து 6 வயது மதிக்கத்தக்க குழந்தையை கடுமையாக அடிக்கிறார்.

உணவு சாப்பிட்டுக்கொண்டிருக்கும் அந்த குழந்தை கீழேயும் சட்டை மேலும் உணவை சிந்தியதற்காக அந்தப் பெண் குழந்தையை சுமார் 30 முறைக்கும் அதிகமாக மாட்டை அடிப்பது போல அடித்துள்ளார்.

சாப்பாட்டை சிந்தியதற்காக குழந்தையை இறக்கமின்றி அடிக்கும் பெண்.. கொலைநடுங்க வைக்கும் வைரல் வீடியோ! https://t.co/isEnSICc8d pic.twitter.com/xsUeGmBOFf

— Oneindia Tamil (@thatsTamil) June 6, 2017

வலி தாங்காமல் கதறி துடித்து ஒரு மூளையில் போய் நின்று அழும் குழந்தையை மீண்டும் வந்து சட்டையை கழற்றி கொடூரமாக அடித்துள்ளார் அந்தப் பெண். ஒழுங்காக சாப்பிட மாட்டாயா செத்துப் போ, இங்கேருந்து போய் எங்கயாவது செத்துப் போ என்று கூறி அந்தப் பெண் குழந்தையை அடிக்கும் காட்சிகள் மனதை உறைய வைக்கிறது. நெஞ்சை பதைபதைக்கும் இந்த காட்சிகளை அருகில் இருந்த ஒருவர் வீடியோவாக படம் பிடித்து சமூக வலைதளத்தில் பதிவிட்டுள்ளார்.இளகிய மனம் படைத்தவர்கள் இந்தக் காட்சிகளைப் பார்க்க வேண்டாம்.

இந்தப் பெண் குறித்த தகவல்கள் வெளியானதைத் தொடர்ந்து போலீஸார் நடவடிக்கையில் குதித்தனர். இதைத் தொடர்ந்து அப்பெண் கைது செய்யப்பட்டார்.

English summary

The woman can be seen hitting a girl, who is believed to be under six years old, at least 30 times using a wooden ‘back scratcher’ for not having food