கமல்ஹாசன் என்ற அப்பாவும், அவரது சில மகள்களும்

Updated: Tuesday, August 11, 2015, 14:19 [IST]

Subscribe to Oneindia Tamil

சென்னை: காதல் நாயகனாக அறியப்பட்ட கமல்ஹாசன் பாசக்கார அப்பாவாகாவும் பல படங்களில் அருமையான நடிப்பைக் கொடுத்தவர்.

இன்று மகள்கள் தினம். திரையுலகில் அப்பா - மகள் பாசம், அம்மா - மகள் பாசம் எக்கச்சக்கமாகவே நம் முன் காணக் கிடைக்கிறது.

இது கமல்ஹாசனும், அவரது மகள் பாசமும் குறித்த ஒரு தொகுப்பு..

நீண்ட இடைவெளிக்குப் பிறகு தனது மகளைச் சந்திக்கும் தந்தை இவர்.. பாசத்துடனும், உருக்கத்துடனும், நெகிழ்ச்சியுடனும் நெருங்கி வரும் போது மகள் பேசும் பேச்சும்.. உருக்கமான ஒரு பாசக் காட்சி .. நாயகன்.

தப்பு செய்தது தந்தையே ஆனாலும் தப்பு தப்புதான் என்று கம்பு எடுத்து அடிக்காத குறையாக கண்டிக்கும் மகளின் கோபக் கோலம் இது.

கமல்ஹாசனின் முத்திரைப் படங்களில் முக்கியப் படம் மகாநதி.. படம் முழுக்க உருக வைத்திருப்பார்கள், கமல்ஹாசனோடு சேர்ந்து நாமும் உதைபடுவோம், அடிபடுவோம், அழுவோம்.. உருக்கமான ஒரு காட்சி இது.

மிகப் பிரபலமான காட்சியும், வசனமும் இது.. மகளிடமிருந்து வந்த வார்த்தைகளைக் கேட்டு அவளது பாதிப்பை உணர்ந்து தவித்துப் புலம்பும் அப்பாவித் தந்தையின் துயரம்.. கமல் ரூபத்தில்.

இது மகள் பாசம், மனைவி பாசம், குடும்பப் பாசம் என பாசக் குவியல்களின் மொத்த பாசப் போராட்டம்..

பெரும் இக்கட்டில் சிக்கிக் கொண்ட குடும்பத்தையும், அந்த இக்கட்டுக்கு தெரியாமல் காரணமாகி விட்ட மகளையும் எப்படிக் காப்பாற்றுவது என்று தெரியாமல் விழித்து நிற்காமல், புத்திசாலித்தனத்தால் புதுப் புது யோசனைகளுடன் ஒவ்வொரு வினாவுக்கும் பதிலைத் தேடி ஓடும் தந்தையின் சோகக் கோலம்...