விஜய் மீட்டிங்கில் சிரித்த சங்கீதா.. சோஷியல் மீடியாவில் தெறிக்கும் போட்டோ! நீங்க அதை பாத்தீங்களா?
தஞ்சாவூர்: நடிகரும் தமிழக வெற்றிக் கழகத்தின் தலைவருமான விஜய் இன்று தஞ்சாவூரில் நடைபெற்ற நிர்வாகிகள் சந்திப்பு மற்றும் பிரச்சார நிகழ்ச்சியில் பேசியபோது அவரது ரசிகர்கள் விஜய் மற்றும் சங்கீதாவின் புகைப்படத்தை உயர்த்திப் பிடித்தனர். விஜயிடமிருந்து சங்கீதா விவாகரத்து கோரி இருக்கும் நிலையில் தற்போது இந்த புகைப்படம் சமூக வலைதளங்களில் அதிகமாக பகிரப்பட்டு வருகிறது.
நடிகரும் தமிழக வெற்றிக் கழகத்தின் தலைவருமான விஜய் தற்போது தமிழக முழுவதும் தீவிர பிரச்சாரத்தை மேற்கொண்டு வருகிறார். கரூர் சம்பவத்திற்கு பிறகு இந்த பிரச்சாரத்தில் தொய்வு ஏற்பட்டு இருந்த நிலையில் மீண்டும் அதனை வேகப்படுத்தி வருகிறார்.
அந்த வகையில் வேலூரைத் தொடர்ந்து தஞ்சாவூரில் இன்று நடிகர் விஜய்யின் தமிழக வெற்றிக் கழக நிர்வாகிகள் சந்திப்பு மற்றும் பிரச்சார பொதுக்கூட்டம் நடைபெற்றது. பல்வேறு கட்டுப்பாடுகளுடன் நடைபெற்ற இந்த பொதுக்கூட்டத்தில் தஞ்சை மாவட்டத்தின் சட்டமன்ற தொகுதிகளை சேர்ந்த நிர்வாகிகள் தொண்டர்கள் கலந்து கொண்டனர்.
பச்சை துண்டு அணிந்து வழக்கம் போலவே ஆவேசத்துடனும் சில இடங்களில் காமெடியாகவும் விஜய் பேசினார் விஜய். பேசிக் கொண்டிருக்கும்போது கூட்டத்தில் இருந்த தொண்டர்கள் விஜயின் மனைவி சங்கீதாவுடன் இருக்கும் புகைப்படத்தை எடுத்துக்காட்டினர். தொடர்ந்து அந்த புகைப்படம் மாநாட்டு மேடையில் அமைக்கப்பட்டிருந்த எல்இடி திரைகளிலும் தொலைக்காட்சிகளிலும் நேரடியாக ஒளிபரப்பப்பட்டது. தற்போது இந்த புகைப்படம் தொடர்பாக சமூக வலைதளங்களில் விவாதமும் எழுந்துள்ளது.
நடிகர் விஜய்யை பிரிவதாக சங்கீதா சென்னை நீதிமன்றத்தில் விவாகரத்து வழக்கு தொடர்ந்திருக்கும் நிலையில் தன்னை உடல் ரீதியாகவும் மனரீதியாகவும் கொடுமைப்படுத்தியதாக கூறியிருந்தார். இதை அடுத்து விஜய் ரசிகர்கள் சிலர் சங்கீதாவை சமூக வலைதளங்களில் ஆபாசமாக சித்தரித்தும் மறப்பியதாகவும் புகார் எழுந்தது இந்த நிலையில் விவாகரத்து கேட்டாலும் உண்மையான விஜய் ரசிகர்கள் சங்கீதாவை கொண்டாடுகிறார்கள் என கூறுகின்றனர் தமிழக வெற்றி கழகத்தினர்.
அதே நேரத்தில் சங்கீதாவை பொதுவெளியில் விமர்சிப்பதை மறைக்கும் வகையில் தற்போது அவரது புகைப்படத்தை பொதுவெளியில் காட்டியுள்ளனர் என்றும் விமர்சிக்கின்றனர் சிலர்.
Click it and Unblock the Notifications
Sign in with Google