பாஜக - திமுக கூட்டணி எப்போதுமே இருக்காது… சொல்ல முடியுமா?.. மு.க.ஸ்டாலினுக்கு டிடிவி தினகரன் சவால்
நெல்லை: அரசியலில் எப்போதுமே பாஜகவுடன் கூட்டணி இல்லை என்று திமுகவினால் சொல்ல முடியுமா? என்று மு.க.ஸ்டாலினுக்கு டிடிவி தினகரன் சவால் விடுத்துள்ளார்.
நெல்லை மாவட்டம் பாவூர்சத்திரத்தில் செய்தியாளரிடம் பேசிய அம்மா மக்கள் முன்னேற்ற கழகத்தின் துணைப் பொதுச் செயலாளர் டிடிவி தினகரன், எம்ஜிஆர் கருணாநிதி, ஜெயலலிதா போன்றோரின் காலங்களில் மக்கள் சின்னத்தை பார்த்து வாக்களித்ததாகவும், தற்போது வேட்பாளர்களை பார்த்து மக்கள் வாக்களிப்பதாகவும் டிடிவி தினகரன் கூறினார்.
பெண்கள் கொலை செய்யப்படுவது தொடர்வதற்கு தமிழக அரசு பொறுப்பேற்க வேண்டுமென்றும் டிடிவி தினகரன் கூறினார். மறைந்த முன்னாள் முதலமைச்சர் ஜெயலலிதா மரணம் குறித்து திமுக தலைவர் ஸ்டாலின் பேசுவது நம்பியார் காலத்து பாணி எனவும் டிடிவி தினகரன் கிண்டலாக விமர்சித்தார்.
மேலும், மதச்சார்புள்ள கட்சி என்பதாலேயே பாஜகவுடன் நாங்கள் கூட்டணி வைக்கவில்லை என்று விளக்கம் அளித்த டிடிவி தினகரன், பாஜகவுடன் எங்களுக்கு சொந்த விருப்பு, வெறுப்பு ஏதுமில்லை என்றார். அதிமுகவில் இருந்து பிரிந்து சென்ற 95% தொண்டர்கள் அமமுகவில் தான் இருக்கிறார்கள் எனவும் கூறினார்.
முன்னதாக, காங்கிரஸ் கூட்டணி அமைவதற்கு முன்பு மு.க.ஸ்டாலின் பா.ஜ.க-வுடன் கூட்டணி பேசினார் என்று கூறிய டி.டி.வி.தினகரன், இந்து மதத்தைப் பற்றி கண்டபடி பேசிவிட்டு, இப்போது திடீரென நான் இந்து மதத்துக்கு எதிரி இல்லை என ஸ்டாலின் பேசுவதாக கூறினார். அரசியலுக்கு மத சாதி துவேஷங்கள் தேவையில்லை எனவும் தெரிவித்தார்.
Click it and Unblock the Notifications
Sign in with Google