தமிழகத்தில் கேரளா ஸ்டோரி திரைப்படம்! வலுக்கும் எதிர்ப்பு! போரட்டத்தில் குதித்த தமிமுன் அன்சாரி!

திருவாரூர்: தமிழகம் முழுவதும் 'தி கேரள ஸ்டோரி ' திரைப்படத்திற்கு தடைவிதிக்கக் கோரி மனிதநேய ஜனநாயக கட்சி பொதுச்செயலாளர் தமிமுன் அன்சாரி போராட்டம் நடத்தியிருக்கிறார்.

தமிழகம் முழுவதும் 'தி கேரள ஸ்டோரி ' திரைப்படத்திற்கு இஸ்லாமிய அமைப்புகள் மத்தியில் கடும் எதிர்ப்பு வலுத்திருக்கிறது.

தமிழகத்தில் இப்படத்தை திரையிட அனுமதிக்கக்கூடாது என மனிதநேய ஜனநாயக கட்சியின் சார்பில் அமைச்சர் சாமிநாதனிடம் கடந்த மே 3 அன்று நேரில் மனு கொடுத்து வலியுறுத்தப்பட்டது.

இந்நிலையில் இப்படம் திரையிடப்படும் இடங்களில் பலத்த போலீஸ் பாதுகாப்பு போடப்பட்டிருப்பதால் தேவையற்ற பதற்றம் உருவாகியுள்ளது.

திருவாரூர் மாவட்டம் கட்டிமேட்டில் தமிழக அரசு, கேரளா ஸ்டோரி திரைப்படத்தை ஒளிபரப்ப அனுமதிக்க கூடாது என வலியுறுத்தி காலை 11 மணிக்கு மஜக சார்பில் போராட்டம் நடத்தப்பட்டது. அறிவிக்கப்பட்டு இரண்டரை மணி நேரத்தில் நடைப்பெற்ற இப்போராட்டத்தில் மஜக பொதுச் செயலாளர் தமிமுன் அன்சாரி பங்கேற்று முழக்கங்களை எழுப்பினார்.

அதைத் தொடர்ந்து செய்தியாளர்களை சந்தித்த அவர், சமூக நீதி அமைப்புகளும், ஃபாஸிஸ எதிர்ப்ப அமைப்புகளும் - கட்சிகளும் தங்களுடன் இப்போராட்டக் களத்தில் இணைவார்கள் என்று நம்பிக்கை தெரிவித்தார்.

இதனிடையே கேரளா ஸ்டோரி திரைப்படத்துக்கு அனுமதி கொடுத்ததற்காக மே 17 இயக்க நிறுவனர் திருமுருகன் காந்தி அரசுக்கு கண்டனம் தெரிவித்துள்ளார்.

English summary

MJK General Secretary Thamimun Ansari has protested across Tamil Nadu demanding a ban on the movie 'The Kerala Story'.