எல் முருகன் போட்டியிடும்.. அவிநாசியில் முதல்வர் ஸ்டாலின் திடீரென வாகனத்தை விட்டு இறங்கி சம்பவம்

Updated: Sunday, April 19, 2026, 7:02 [IST]

Subscribe to Oneindia Tamil

திருப்பூர்: திருப்பூர் மாவட்டம் அவிநாசி சட்டசபை தொகுதியில் பாஜக சார்பில் மத்திய இணையமைச்சர் எல் முருகன் போட்டியிடுகிறார். இந்நிலையில் தான் இன்று திருப்பூர் பொதுக்கூட்டத்தை முடித்து திரும்பிய ஸ்டாலின் அவிநாசியில் தனது வாகனத்தை நிறுத்தி திடீரென்று ரோட்டில் நடந்து சென்று திமுகவின் இளம் வேட்பாளராக கோகிலாமணிக்கு வாக்கு சேகரித்தார்.

திருப்பூர் மாவட்டம் அவிநாசி சட்டசபை தொகுதியில் திமுக சார்பில் டாக்டர் கோகிலாமணி போட்டியிடுகிறார். இவர் தான் திமுகவின் இளம் வேட்பாளர் ஆவார். இவருக்கு வயது 26. இவர் தற்போது தொகுதியில் தீவிரமாக பிரசாரம் மேற்கொண்டு வருகிறார்.

mk-stalin-campaign-by-walking-on-the-in-avinashi-dmk-candidate-kokila-mani

இந்நிலையில் தான் இன்று திமுக சார்பில் திருப்பூரில் பொதுக்கூட்டம் நடந்தது. இந்த கூட்டத்தில் முதல்வர் ஸ்டாலின் பங்கேற்று தொகுதி வேட்பாளர்களை அறிமுகம் செய்து பிரசாரம் மேற்கொண்டார்.

நடந்து சென்ற ஸ்டாலின்

அதன்பிறகு அவிநாசி வழியாக அவர் சென்றார். இந்த சமயத்தில் திடீரென்று அவிநாசி தொகுதியில் தனது பிரசார வாகனத்தை விட்டு முதல்வர் ஸ்டாலின் திடீரென்று இறங்கினார். வாகனத்தை விட்டு ஸ்டாலின், திமுக வேட்பாளர் கோகிலாமணியுடன் நடந்து சென்றார். ஸ்டாலினை பார்த்தவுடன் கூட்டம் கூடியது.

ஸ்டாலின் உடன் செல்பி

பொதுமக்கள் சாலையின் இருபுறமும் நின்று ஸ்டாலினை வரவேற்றனர். ஸ்டாலினிடம் கைகளை கொடுத்து ஆதரவு தெரிவித்தனர். இளம்பெண்கள், பெண்கள் உள்பட அனைத்து வயதினரும் ஸ்டாலினுடன் உற்சாகமாக செல்பி எடுத்து கொண்டனர். அவர்களிடம் திமுக வேட்பாளர் கோகிலாமணிக்கு ஆதரவாக ஸ்டாலின் வாக்கு சேகரித்தார். அதன்பிறகு ஸ்டாலின் அங்கிருந்து புறப்பட்டு சென்றார்.

எல் முருகன் போட்டி

இந்த அவினாசி தொகுதியில் திமுக சார்பில் கோகிலா மணி போட்டியிட்டுள்ளார். அதிமுக கூட்டணியில் பாஜக சார்பில் மத்திய இணையமைச்சர் எல் முருகன் களமிறங்கி உள்ளார். நாம் தமிழர் கட்சி சார்பில் மேனகா என்பவரும், தமிழக வெற்றிக் கழகம் சார்பில் கமலி என்பவரும் களமிறங்கி உள்ளனர். தற்போது அனைத்து வேட்பாளர்களும் தீவிரமாக வாக்கு சேகரிப்பில் ஈடுபட்டு வருகின்றனர். இந்த நான்கு முனை போட்டியில் யார் வெல்வார்கள்? என்பது பெரும் எதிர்பார்ப்பை ஏற்படுத்தி உள்ளது.

எல் முருகனை வீழ்த்த வியூகம்

இந்நிலையில் தான் மத்திய இணையமைச்சர் எல் முருகனை எதிர்த்து திமுக 26 வயது கோகிலாமணியை களமிறக்கி இருப்பதால் இந்த தொகுதி அதிக கவனம் பெற்றுள்ளது. எப்படியாவது எல் முருகனை இளம் பெண் வேட்பாளரை வைத்து வீழ்த்தி விட வேண்டும் என்பதில் ஸ்டாலின் உறுதியாக உள்ளார். இதன் ஒரு கட்டமாக தான் பொதுமக்களுக்கு சர்ப்ரைஸாக முதல்வர் ஸ்டாலின் தனது வாகனத்தை விட்டு இறங்கி திமுக வேட்பாளர் கோகிலாமணிக்கு ஆதரவாக வாக்கு சேகரித்துள்ளார் என்பது குறிப்பிடத்தக்கது.