ஜெ., ஸ்டைல்.. ஹெலிகாப்டரில் பிரச்சாரத்துக்கு வரும் சிஎம் விஜய்? தாராபுரத்தில் பிரம்மாண்ட ஏற்பாடுகள்!
திருப்பூர்: திருப்பூர் மாவட்டம், தாராபுரம் சட்டமன்றத் தொகுதிக்கு அக்டோபர் 6-ஆம் தேதி இடைத்தேர்தல் நடைபெற உள்ள நிலையில், அரசியல் கட்சிகளின் பிரசாரம் தீவிரமடைந்துள்ளது. இதற்கிடையே தாராபுரத்தில் விஜய் பிரசார பொதுக்கூட்டம் நடக்கும் நிலையில், சுமான் ஒரு லட்சம் பேர் திரளும் வகையில் பிரம்மாண்ட செட் அமைக்கும் பணி தீவிரமாக நடைபெற்ற வருகிறது. ஹெலிகாப்டர் மூலம் விஜய் வருகை தரவுள்ளதாக தகவல் வெளியாகியுள்ள நிலையில், பாதுகாப்பு ஏற்பாடுகளை போலீசார் மேற்கொண்டுள்ளனர்.
திருப்பூர் மாவட்டம், தாராபுரம் தனி சட்டமன்ற தொகுதி இடைத்தேர்தலை முன்னிட்டு, தமிழக வெற்றிக் கழகத் தலைவர் விஜய், அக்கட்சியின் வேட்பாளர் சத்தியபாமாவை ஆதரித்து, வருகிற 30-ந்தேதி தாராபுரத்தில் நடைபெற உள்ள பிரமாண்ட பொதுக்கூட்டத்தில் கலந்து கொண்டு பிரசாரம் மேற்கொள்ள உள்ளார்.
இதையொட்டி, தாராபுரம் - உடுமலை சாலையில் உள்ள சுமார் 54 ஏக்கர் பரப்பளவு கொண்ட இடத்தில், பொதுக்கூட்டத்துக்கான பிரமாண்ட மேடை மற்றும் செட் அமைக்கும் பணிகள் தீவிரமாக நடைபெற்று வருகின்றன.
சுமார் ஒரு லட்சம் பேர் வந்து செல்லும் வகையில், பொதுமக்கள் அமரும் பகுதி, மேடை, தடுப்புகள், வாகன நிறுத்துமிடம் உள்ளிட்ட பல்வேறு ஏற்பாடுகள் மேற்கொள்ளப்பட்டு வருகின்றன. மேலும், பொதுக்கூட்டம் நடைபெற உள்ள அதே பகுதியில் ஏற்கனவே 3 ஹெலிகாப்டர் இறங்குதளங்கள் அமைந்துள்ளதாக கூறப்படுகிறது. இதன் அருகே உள்ள ஒரு ரிசார்ட் வளாகத்திலும் ஹெலிகாப்டர் இறங்குவதற்கான தளம் ஒன்று இருப்பதாகவும், தற்போது அந்த பகுதி சுத்தம் செய்யப்பட்டு, பெயிண்டிங் உள்ளிட்ட பராமரிப்புப் பணிகள் மேற்கொள்ளப்பட்டுள்ளது.
இந்த நிலையில், சென்னையில் இருந்து தனி விமானம் மூலம் கோவைக்கு வரும் விஜய், அங்கிருந்து ஹெலிகாப்டர் மூலம் தாராபுரம் வந்து பொதுக்கூட்டத்தில் பங்கேற்க உள்ளதாக தகவல்கள் வெளியாகியுள்ளன. எனினும், அவரது பயணத் திட்டம் மற்றும் ஹெலிகாப்டர் தரையிறங்கும் இடம் தொடர்பாக அதிகாரப்பூர்வ அறிவிப்பு இதுவரை வெளியாகவில்லை. விஜய் ஹெலிகாப்டர் மூலம் தாராபுரம் வர உள்ளதாக தகவல் பரவியுள்ள நிலையில், ஹெலிகாப்டர் இறங்குதளங்கள் மற்றும் பொதுக்கூட்டம் நடைபெறும் பகுதிகளில் போலீசார் பாதுகாப்புப் பணியில் ஈடுபட்டு வருகின்றனர்.
மேலும், பொதுக்கூட்டத்தில் அதிகளவில் தொண்டர்கள் மற்றும் பொதுமக்கள் பங்கேற்க வாய்ப்பு உள்ளதால், போக்குவரத்து ஒழுங்குபடுத்துதல், பாதுகாப்பு ஏற்பாடுகள் உள்ளிட்ட பணிகளையும் போலீசார் மேற்கொண்டு வருகின்றனர்.
Click it and Unblock the Notifications
Sign in with Google
