அதிமுகவுடன் சேருவதற்கு பேசாமல் செத்துடலாம்.. தினகரன் பளார் பேட்டி

அதிமுகவுடன் அமமுக ஒருபோதும் சேராது என டிடிவி தினகரன் தெரிவித்துள்ளார்.

திருச்சி: அதிமுகவில், அமமுக இணைவது என்பது தற்கொலை முயற்சிக்கு சமம் என்று டிடிவி தினகரன் தெரிவித்துள்ளார்.

அமமுகவில் டிடிவி இணைய போகிறார், ரகசிய சந்திப்பு, கூட்டு சதி என்றெல்லாம் இவ்வளவு காலம் அதிமுக தரப்பில் விமர்சிக்கப்பட்டு வந்தது.

ஆனால் இதற்கெல்லாம் முற்றுப்புள்ளி வைக்கும் வகையில் டிடிவி தினகரன் இன்று தனது பேட்டியை அளித்துள்ளார்.

என்றும் இணையாது

திருச்சியில் செய்தியாளர்களிடம் பேசிய அமமுக துணை பொதுச்செயலாளர் டிடிவி தினகரன் சொன்னதாவது: அம்மா மக்கள் முன்னேற்ற கழகம் அதிமுகவுடன் என்றுமே இணையாது.

தற்கொலை முயற்சி

அப்படி இணையவும் வாய்ப்பும் இல்லை. ஏனென்றால் 90 சதவீத அதிமுக தொண்டர்கள் எங்கள் பக்கம்தான் உள்ளனர். அப்படி அதிமுகவில், அமமுக இணைவது தற்கொலை முயற்சி ஆகும்.

சிறுபிள்ளைத்தனம்

ராகுலை பிரதமர் வேட்பாளராக ஸ்டாலின் அறிவித்தது சிறுபிள்ளைத்தனமான முடிவு. பாஜகவிற்கு எதிராக வலுவான அணி உருவாகக்கூடாது என்பதற்காகதான் ஸ்டாலின் இவ்வாறு செய்கிறார். ராகுல் காந்திக்கு தர்ம சங்கடத்தை ஏற்படுத்தி விட்டார்" இவ்வாறு டிடிவி தினகரன் கூறியுள்ளார்.

கூட்டணி இல்லை

நீண்ட காலமாக கூறப்பட்டு வந்த அமமுக-திமுக ரகசிய கூட்டணி என்பது வதந்தி என்பதும், இனி திமுகவுடன் கூட்டு என்பது கிடையாது என்பதும் தினகரனின் பேட்டி மூலம் நிரூபணமாகி உள்ளது.

English summary

TTV Dinakaran says that we wont join in ADMK and Anyone interested can come to join in AMMK