பட்டப்பெயர்ன்னா நம்ம தினகரனுக்கு வைத்ததுதாங்க.. அசிஸ்டென்ட் டைரக்டர்ஸ் நோட் பண்ணுங்கப்பா!

திருச்சி: திருச்சியில் அமமுகவினர் வைத்த பேனரில் தினகரனை பிரஸ்மீட் நாயகன் என பட்டப்பெயர் வைத்து அழைத்துள்ளனர்.

அரசியல்வாதிகள் என்றால் பேனர் வைப்பதில் அவர்களை அடிச்சுக்கவே முடியாது என்ற ரேஞ்சுக்கு பேனர்களை வைப்பர். அதிலும் பட்டப்பெயர்களை வழங்கி பேனர் வைப்பது தற்போது டிரென்டாகிவிட்டது. சம்பந்தப்பட்ட அரசியல்வாதியே மூக்கு மேல் விரல் வைக்கும் அளவுக்கு பேனர் கலாசாரம் பெருகிவிட்டது.

அந்த வகையில் டிடிவி தினகரனுக்கு அவரது ஆதரவாளர்கள் மக்கள் செல்வர், புரட்சி நாயகன், வருங்கால தமிழகம் என பல்வேறு பெயர்களை வைத்துள்ளனர். அதிலும் தற்போது திருச்சியில் டிடிவி ஆதரவாளர்கள் ஒரு பேனரை வைத்துள்ளனர்.

அதில் பிரஸ்மீட் நாயகன் என அவரை அவரது ஆதரவாளர்கள் வர்ணித்துள்ளனர். எந்த பிரஸ்மீட்டாக இருந்தாலும் தைரியமாக தனது கருத்துகளை தினகரன் முன்வைக்கிறார் என்ற பெயர் உள்ளது. தனது பண்ணை வீட்டில் ரெய்டு நடந்த போது கூட அவர் செய்தியாளர்களை சந்திப்பதை தவிர்க்கவே இல்லை.

இது ஒரு புறமிருக்க, எதிர்க்கட்சியினரும் தினகரனை விமர்சித்து பட்டப்பெயர்களை வைத்துள்ளனர். திகார் நாயகன், திகார் தினகரன், டோக்கன் செல்வர், டோக்கன் தினகரன், வாய்தா தினகரன், வழக்கு தினகரன் என பட்டியல் நீண்டு கொண்டே செல்கிறது.

English summary

TTV Dinakaran's supporters named him as Press Meet Nayagan in Trichy Banner.