மீண்டும் கனிமொழி.. தூத்துக்குடியில் பின்தங்கிய அதிமுக.. தந்தி டிவி சர்வேயில் பாஜக கூட்டணிக்கு ஷாக்

தூத்துக்குடி: வரும் லோக்சபா தேர்தலில் தூத்துக்குடி தொகுதியில் திமுக வேட்பாளரான கனிமொழி எம்பி மீண்டும் வெற்றி பெறுவார் என தந்தி டிவி கருத்து கணிப்பில் தெரிவிக்கப்பட்டுள்ளது. இந்த தொகுதியில் 2வது இடத்தை அதிமுக பிடிக்கும் எனவும், பாஜக கூட்டணியில் போட்டியிடும் தமாகவும், நாம் தமிழர் கட்சியும் ஒரே அளவில் ஓட்டுகளை பெறலாம் என தெரிவிக்கப்பட்டுள்ளது.

தமிழ்நாட்டில் வரும் 19ம் தேதி லோக்சபா தேர்தல் நடைபெற உள்ளது. நாளையுடன் பிரசாரம் ஓய்கிறது. இந்நிலையில் தான் தமிழ்நாட்டில் உள்ள லோக்சபா தேர்தல் தொடர்பாக தந்தி டிவி நடத்திய கருத்து கணிப்பு முடிவுகள் இன்று வெளியிடப்பட்டுள்ளது.

தந்தி டிவி சார்பில் இந்த கருத்து கணிப்பு என்பது மார்ச் 20 முதல் ஏப்ரல் 14 வரை மேற்கொள்ளப்பட்டது. இதன் முடிவுகள் இன்று வெளியாகி உள்ளன. அதன்படி தூத்துக்குடி தொகுதியில் வெல்வது யார்? என்பது பற்றி ரிசல்ட் வெளியாகி உள்ளது.

அதாவது தூத்துக்குடி தொகுதியில் சிட்டிங் எம்பியான கனிமொழி மீண்டும் திமுக சார்பில் போட்டியிடுகிறார். அதிமுக சார்பில் சிவசாமி வேலுமணி, பாஜக கூட்டணியில் ஜிகே வாசனின் தமிழ் மாநில காங்கிரஸ் கட்சியின் வேட்பாளர் விஜயசீலன், நாம் தமிழர் கட்சி சார்பில் ரொவினா ரூத் போட்டியிடுகின்றனர்.

இதில் திமுக 46 சதவீதம் முதல் 52 சதவீதம் வரை ஓட்டுகளை பெறும் என தெரிவிக்கப்பட்டுள்ளது. இதன்மூலம் கனிமொழி எம்பி வெற்றியின் உறுதி என தெரிவிக்கப்பட்டுள்ளது. இதன்மூலம் தூத்துக்குடியின் புதிய எம்பியும் கனிமொழி தான் என்பதை தந்தி டிவி கருத்து கணிப்பு உறுதி செய்துள்ளது.

மேலும் இந்த தொகுதியில் அதிமுக வேட்பாளர் சிவசாமி வேலுமணி 2ம் இடம் பிடிப்பார். அதாவது அதிமுகவுக்கு 28 முதல் 34 சதவீதம் வரை ஓட்டு கிடைக்கும் என தெரிவிக்கப்பட்டுள்ளது. மேலும் பாஜக கூட்டணியில் போட்டியிடும் ஜிகே வாசனின் தமிழ் மாநில காங்கிரசும், சீமானின் நாம் தமிழர் கட்சியும் ஒரே அளவிலான ஓட்டுகளை பெறலாம் என தெரிவிக்கப்பட்டுள்ளது.

அதன்படி ஜிகேவாசனின் தமிழ் மாநில காங்கிரஸ் கட்சியின் வேட்பாளர் விஜயசீலன், நாம் தமிழர் வேட்பாளர் ரொவினா ரூத் ஆகியோர் தலா 6 சதவீதம் முதல் 12 சதவீத ஓட்டுகளை பெறுவார்கள் என தெரிவிக்கப்பட்டுள்ளது. மேலும் மற்றவர்கள் ஒன்று முதல் 3 சதவீத ஓட்டுகளை பெறுவார்கள் என தெரிவிக்கப்பட்டுள்ளது.

English summary

According to Thanthi TV Opinio Polls DMK candidate Kanimozhi MP will win again in Thoothukudi constituency in the upcoming Lok Sabha elections. It has been reported that the AIADMK will take the 2nd place in this constituency, and the Naam Tamil Party, which is contesting in the BJP alliance, will get the same number of votes.