எப்படி, விஜயகாந்த்தை முதல்வராக்கியது போல ஸ்டாலினையுமா.. வைகோவை வாரும் பாஜக
தூத்துக்குடி: விஜயகாந்தை முதல்வராக்கியது போல் ஸ்டாலினையும் வைகோ முதல்வராக்குவார் என பாஜகவின் மாநில செயலாளர் கரு நாகராஜன் விமர்சனம் செய்தார்.
இதுகுறித்து பாஜக மாநில செயலாளர் கரு நாகராஜன் கூறுகையில், இன்று தமிழகத்தில் அடிக்கடி ஜனநாயகத்தை பற்றியும் மக்கள் பிரச்சினைகளையும் தவறான வழிகளில் பொருள்படுத்தும் வைகோ போன்றவர்கள் கடந்த 4 சட்டசபை தொகுதிகளிலும் 4 விதமான நிலைப்பாடுகளை எடுத்தவர்.
தனியாக, அதிமுகவுடன், மக்கள் நலக் கூட்டணியுடன் இணைந்து போட்டியிட்டு தோற்று பின்னர் சட்டசபை தேர்தலையே புறக்கணித்தும் இருக்கிறார்.
அப்படியிருக்கையில் மக்கள் நல கூட்டணியில் இருந்த போது திமுகவையும் ஸ்டாலினையும் அவரை போல் விமர்சித்தவர்கள் யாரும் கிடையாது. இன்று ஸ்டாலினுடன் கூட்டணி அமைத்துக் கொண்டு அவரை முதல்வர் ஆக்கியே தீருவேன் என்கிறார்.
விஜயகாந்த்தை எப்படி முதல்வர் ஆக்குவேன் என சொன்னாரோ அது போல் தான் இதுவும் அமைய போகிறது என்பது தமிழ்நாடு மக்கள் பேசுகிற கருத்து என்றார் கரு நாகராஜன்.
Click it and Unblock the Notifications
Sign in with Google