திமுக பொருளாளர் துரைமுருகன் வீட்டில் விடிய விடிய ரெய்டு.. தொண்டர்கள் குவிந்ததால் பரபரப்பு

வேலூர்: திமுக பொருளாளரக் துரைமுருகன் வீட்டில் விடிய விடிய வருமான வரித்துறை ரெய்டு நடத்தப்பட்டு வருவதால் அப்பகுதியில் பரபரப்பு ஏற்பட்டுள்ளது.

கர்நாடக அமைச்சர்கள் வீடுகளில் வருமான வரித் துறை சோதனை நடத்தியது. இதற்கு அந்த மாநில முதல்வர் குமாரசாமி கடும் கண்டனங்களை தெரிவித்தார். மேலும் இதை கண்டித்து தர்ணா போராட்டத்திலும் ஈடுபட்டிருந்தார்.

இந்த நிலையில் வேலூர் காட்பாடியில் இருக்கும் திமுக பொருளாளர் துரைமுருகன் வீட்டில் நேற்று நள்ளிரவு வருமானத் துறை அதிகாரிகள் 7 பேர் வந்தனர்.

அவர்கள் விடிய விடிய சோதனை நடத்தி வருகின்றனர். அங்கு திமுகவினர் குவிந்ததால் பரபரப்பு ஏற்பட்டுள்ளது. வேலூர் நாடாளுமன்றத் தொகுதியில் துரைமுருகனின் மகன் கதிர்ஆனந்த் போட்டியிடுகிறார் என்பது குறிப்பிடத்தக்கது.

English summary

Income tax raid conducted in DMK Treasurer DuraiMurugan's house.