திமுகவினர் வயிறு எரிகிறார்கள்.. என்ன துரைமுருகன் இப்படி சொல்லிட்டாரே !
வேலூர்: திமுகவினர் வயிறு எரிகின்றனர் என தமிழக நீர் பாசனத் துறை அமைச்சர் துரைமுருகன் தெரிவித்தார். என்னவாக இருக்கும்! துரைமுருகன் இப்படி சொல்லிவிட்டாரே. வாங்க பார்ப்போம்.
ஜூன் 21 ஆம் தேதி தமிழக முதல்வர் ஸ்டாலின் வேலூர் வருகை தருகிறார். அதை முன்னிட்டு வேலூர் அரியரில் மாவட்ட ஆட்சியர் குமாரவேல் பாண்டியன் தலைமையில் நடந்த ஆலோசனை கூட்டத்தில் அமைச்சர் துரைமுருகன் பேசினார்.
கடந்த 10 ஆண்டு கால அதிமுக ஆட்சியில் 7 லட்சம் கோடி ரூபாய் கடன் வைத்து விட்டு சென்றனர். அந்த கடன் சுமையுடன் ஆட்சியில் முதல்வர் ஸ்டாலின் அமர்ந்துள்ளார்.
நிதி கஷ்டம்
நிதி கஷ்டத்தை மக்களிடம் கூற முடியாது. நிதியை சமாளிக்க முதல்வருக்கு தெரியும். தமிழக சட்டசபையில் நிறைவேற்றப்பட்டு அனுப்பும் தீர்மானங்களில் கையெழுத்து போட மாட்டேன் என்கிறார் ஆளுநர். கூட்டுறவுத் துறையின் பதவிக்காலம் 3 ஆண்டு என குறைத்து மூன்று முறை சட்டசபையில் தீர்மானம் நிறைவேற்றி ஆளுநருக்கு அனுப்பினோம்.
கூட்டுறவுச் சங்கங்கள்
இதுவரை கூட்டுறவுச் சங்கங்கள் கலைப்பு கூட்டத்தில் அவர் கையொப்பமிடவில்லை. அதனால் எதிர்க்கட்சியினரே அந்தப் பதவிகளில் உள்ளனர். நம் கட்சிக்காரர்கள் வயிறு எரிகின்றனர். ஆளுநர் கையொப்பமிடவில்லை என்றாலும் கூடிய விரைவில் அதற்கு ஒரு நல்ல முடிவை நாங்கள் எட்டுவோம் என்றார்.
குடியரசுத் தலைவர்
குடியரசுத் தலைவர் வேட்பாளர் குறித்து முதல்வர் ஸ்டாலின் தலைமையில் ஆலோசனை நடைபெற்று வருகிறது. குடியரசுத் தலைவர் பதவிக்கான தேர்தல் ஜூலை 18 இல் நடக்கவுள்ளது. பாஜக நிறுத்தும் வேட்பாளருக்கு எதிராக பொது வேட்பாளரை நிறுத்தும் முயற்சியில் எதிர்க்கட்சிகள் ஈடுபட்டுள்ளன. இது தொடர்பாக ஆலோசனை நடத்த 22 கட்சிகளுக்கு மேற்கு வங்க முதல்வர் மம்தா பானர்ஜி அழைப்பு விடுத்துள்ளார்.
எதிர்க்கட்சிகள்
இது தொடர்பாக இன்றைய தினம் எதிர்க்கட்சிகள் ஆலோசனை கூட்டம் நடத்தின. இந்த கூட்டத்தில் தெலுங்கானா முதல்வர் சந்திரசேகர் ராவ் பங்கேற்கவில்லை. அதே போல் திமுக ஆலோசனை கூட்டத்தில் கூட்டணி கட்சிகளுக்கு அழைப்பில்லை என்பதால் சலசலப்பு ஏற்பட்டுள்ளது.
Click it and Unblock the Notifications
Sign in with Google