வேலூர் திமுக எம்எல்ஏ கார்த்திகேயனுக்கு கொரோனா .. 2 நாளில் 3 திமுக எம்எல்ஏக்கள் பாதிப்பு

வேலூர்: வேலூர் தொகுதி திமுக எம்எல்ஏ கார்த்திகேயனுக்கு கொரோனா பாதிப்பு உறுதியாகி உள்ளது. அவர் வேலூர் சிஎம்சி மருத்துவமனையில் சிகிச்சைக்காக அனுமதிக்கப்பட்டுள்ளதாக தகவல்கள் வெளியாகி உள்ளது.

கடலூர் மாவட்டம் திட்டக்குடி தொகுதி திமுக எம்எல்ஏ கணேசனுக்கு நேற்று கொரோனா தொற்று உறுதி செய்யப்பட்டது. இன்று காலை கிருஷ்ணகிரி தொகுதி திமுக எம்எல்ஏ செங்குட்டுவனுக்கு கொரோனா தொற்று உறுதி செய்யப்பட்டது.

தமிழகத்தில் அமைச்சர் கேபி அன்பழகன், அமைச்சர் செல்லூர் ராஜு உள்ளிட்டோரும் கொரோனாவால் பாதிக்கப்பட்டு குணம் அடைந்துள்ளனர். முன்னாள் எம்எல்ஏக்கள் சிலரும் கொரோனாவால் பாதிக்கப்பட்டுள்ளனர். கொரோனா தொற்று காரணமாக திமுக எம்எல்ஏ ஜே அன்பழகன் அண்மையில் உயிரிழந்தார். இவர் தான் முதல் முதலாக கொரோனாவால் உயிரிழந்த எம்எல்ஏ ஆவார்.

இந்நிலையில் வேலூர் தொகுதி திமுக எம்எல்ஏ கார்த்திகேயனுக்கு கொரோனா பாதிப்பு உறுதியாகி உள்ளது. அவர் வேலூர் சிஎம்சி மருத்துவமனையில் சிகிச்சைக்காக அனுமதிக்கப்பட்டுள்ளார் என தகவல்கள் வெளியாகி உள்ளன. கடந்த இரண்டு நாட்களில் மட்டும் 3 திமுக எம்எல்ஏக்கள் கொரோனா தொற்றால் பாதிக்கப்பட்டுள்ளனர். கார்த்திகேயனுடன் சேர்த்து இதுவரை 15 எம்எல்ஏக்கள் கொரோனா தொற்றால் பாதிக்கப்பட்டுள்ளனர்.

English summary

vellore dmk mla karthikeyan tested positive for coronavirus. totally 15 Tamil Nadu MLA tested positive for covid 19