• search
விழுப்புரம் அப்டேட்டுகளுக்கு
நோட்டிபிகேஷனை அனுமதி  
Just In
Oneindia App Download

அமைச்சர் பொன்முடி மகனுக்கு திமுக செயற்குழு உறுப்பினர் பதவி! விழுப்புரம் மத்திய மாவட்ட மத்தியஸ்தம்!

Google Oneindia Tamil News

விழுப்புரம்: உயர்கல்வித்துறை அமைச்சர் பொன்முடி மகன் கவுதம சிகாமணி எம்.பி.க்கு திமுகவில் செயற்குழு உறுப்பினர் பதவி வழங்கப்பட்டுள்ளது.

அதேபோல் அமைச்சர் பொன்முடியின் வலது கரம் என விழுப்புரம் மாவட்ட திமுகவினரால் அழைக்கப்படும் புகழேந்திக்கு மத்திய மாவட்டச் செயலாளர் பதவி அறிவிக்கப்பட்டுள்ளது.

அதிமுகவிலிருந்து வந்து திமுகவில் இணைந்த லட்சுமணன் எம்.எல்.ஏ. விழுப்புரம் மத்திய மாவட்ட திமுக செயலாளர் பதவிக்கு முயற்சித்த நிலையில் அதற்கு ஆரம்பத்திலேயே அணை போட்டுவிட்டார் அமைச்சர் பொன்முடி.

ஒன்றுமே தெரியலை.. அண்ணாமலையை தலைவராக போட்டு நம் உயிரை வாங்குறாங்க.. அமைச்சர் பொன்முடி ஒன்றுமே தெரியலை.. அண்ணாமலையை தலைவராக போட்டு நம் உயிரை வாங்குறாங்க.. அமைச்சர் பொன்முடி

அமைச்சர் பொன்முடி

அமைச்சர் பொன்முடி

விழுப்புரம் மாவட்ட திமுகவை பொறுத்தவரை வடக்கு, மத்திய என இரண்டாக பிரிக்கப்பட்டாலும் ஒட்டுமொத்த கட்சியினர் முன் நிற்பது அமைச்சர் பொன்முடியின் முகம் மட்டுமே. விழுப்புரம் என்றாலே அமைச்சர் பொன்முடி என்பது தான் திமுக, அதிமுக உட்பட சகல அரசியல் கட்சியினருக்கும் முன் வந்து நிற்கும் முகமாகும். இந்நிலையில் அவர் தற்போது திமுக துணைப் பொதுச்செயலாளராக இருப்பினும் கூட, மாவட்ட அரசியலையே அதிகம் விரும்புகிறார்.

விழுப்புரம் மாவட்டம்

விழுப்புரம் மாவட்டம்

இதனால் தான் தாம் வகித்த விழுப்புரம் மத்திய மாவட்ட திமுக செயலாளர் பதவியை தனது வலதுகரமாக திகழும் தீவிர ஆதரவாளர் புகழேந்தி வசம் கொடுத்து திரைமறைவில் நிர்வகித்து வருகிறார். அண்மையில் நடைபெற்ற திமுக மாவட்டச் செயலாளர்கள் தேர்தலில் விழுப்புரம் மத்திய மாவட்டத்தை எதிர்பார்த்து லட்சுமணன் எம்.எல்.ஏ. உட்பட இன்னும் ஓரிருவர் காய் நகர்த்தினர். ஆனால் அமைச்சர் பொன்முடியின் அன்புக் கட்டளையை ஏற்று தங்கள் முயற்சிகளை கைவிட்டனர்.

தலைமை செயற்குழு

தலைமை செயற்குழு

தற்போது திமுக தலைமைக் கழகத்தால் வெளியிடப்பட்டுள்ள அறிவிப்பில், அமைச்சர் பொன்முடியின் மகனும், கள்ளக்குறிச்சி நாடாளுமன்ற உறுப்பினருமான கவுதம சிகாமணிக்கு தலைமை செயற்குழு பதவி கொடுக்கப்பட்டுள்ளது. அவருடன் சேர்த்து விழுப்புரம் மத்திய மாவட்டத்தில் மேலும் 3 பேருக்கு இந்தப் பதவி வழங்கப்பட்டுள்ளது. இதனிடையே அடுத்த மாவட்டச் செயலாளர் தேர்தலில் அமைச்சர் பொன்முடியின் மகன் கவுதம சிகாமணி களமிறங்குவார் என எதிர்பார்க்கப்படுகிறது.

விழுப்புரம் வடக்கு

விழுப்புரம் வடக்கு

விழுப்புரம் வடக்கு மாவட்ட திமுக செயலாளராக அமைச்சர் செஞ்சி மஸ்தான் போட்டியின்றி தேர்வு செய்யப்பட்டுள்ளார். அமைச்சர் பொன்முடிக்கும் இவருக்கும் ஏழாம் பொருத்தமாக இருப்பினும் கூட கட்சிப் பணி என்று வந்துவிட்டால் இருவரும் ஒன்றிணைந்து செயல்படுவார்கள் என்பது குறிப்பிடத்தக்கது.

English summary
Higher Education Minister Ponmudi's son Gautham Sigamani MP has been given the post of executive committee member in DMK.
 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X