எனது ஓட்டு ஸ்டாலினுக்குத்தான்.. அதிமுக பிரச்சாரத்தில் நடிகை விந்தியா பரபரப்பு பேச்சு

Updated: Sunday, April 14, 2019, 16:37 [IST]

Subscribe to Oneindia Tamil

Recommended Video

எனது ஓட்டு ஸ்டாலினுக்குத்தான்.. நடிகை விந்தியா பரபரப்பு பேச்சு

விருதுநகர்: நான் கேட்கும் கேள்விகளுக்கு பதில் சொல்லிவிடுங்கள், எனது ஓட்டு திமுகவுக்குத்தான் என நடிகை விந்தியா பேசினார்.

விருதுநகர் மாவட்டம் சாத்தூரில் சட்டமன்ற இடைத்தேர்தலில் அதிமுக சார்பில் போட்டியிடும் ராஜவர்மனை ஆதரித்து அதிமுக தலைமை கழக பேச்சாளரான நடிகை விந்தியா பிரச்சாரம் மேற்கொண்டார். அந்த பிரச்சாரத்தில் நடிகை விந்தியா பிரச்சாரம் செய்தார்.

அப்போது பேசிய நடிகை விந்தியா, இந்தத் தேர்தல் என்பது அதிமுகவுக்கும் திமுகவுக்கும் இடையே நடைபெறுகிற யுத்தம். இந்த யுத்தம் கடந்த 40 ஆண்டுகளாக நடைபெற்று வருகிறது.

காமெடி

நமது ஜெயலலிதா ஆட்சி இல்லைனா மறைந்த முதல்வரை சமாதியில் கூட நிம்மதியாக தூங்க விட மாட்டார்கள். என் பேச்சில் கொஞ்சம் காரமும் இருக்கும் கொஞ்சம் காமெடியும் இருக்கும். ஆனால் என்னைவிட ஸ்டாலின் தற்போது அதிகமாக காமெடி செய்கிறார்.

லோக்சபா தேர்தல்... எந்த வேட்பாளருக்கு எவ்வளவு சொத்து.. இதை கிளிக் பண்ணுங்க தெரியும்!

திமுக

முன்னாள் செயல் தலைவர் இப்போது வெறும் தலைவர் ஆனார். திமுக தலைவர் ஸ்டாலின் அதிமுகவின் ஊழல் பற்றி பேச என தகுதி இருக்கிறது. ஊழலின் மொத்த உருவமே திமுகதான். திமுகவால் மட்டுமே பஞ்ச பூதங்களிலும் ஊழல் செய்ய முடியும்.

மது

தற்போது மேடைக்கு மேடை அம்மா புகழ் பாடும் மு.க.ஸ்டாலின், மு.க. ஸ்டாலினா இல்லை காக்கா ஸ்டாலினா. கட்சியில் தன் சொந்த அண்ணனையே நீக்கியவர்தான் திமுக தலைவர் ஸ்டாலின். மது வாசனை இல்லாமல் இருந்த தமிழகத்தில் மதுவை கொண்டு வந்தது திமுகதான்.

ஸ்டாலின்

ஏழை மக்களுக்கு கொடுக்க இருந்த இரண்டாயிரம் ரூபாய் பணத்தை நீதிமன்றத்தில் வழக்கு போட்டு தடுத்ததும் திமுக தான். மேலும் நான் கேட்கிற கேள்விகளுக்கு திமுக தலைவர் ஸ்டாலின் பதில் சொன்னால் நான் அவருக்கு ஓட்டு போட முயற்சிப்பேன்.

அதிமுக ஆட்சி

பிரச்சாரத்தில் எந்த இடத்திலும் 18 தொகுதிகளிலும் திமுக வெற்றி பெற்று ஆட்சியை பிடிப்போம் என பேசாத ஸ்டாலின், ராகுல் காந்தி பிரதமர் ஆனவுடன் அதிமுக ஆட்சியை கலைத்து விடுவார் என எண்ணிக்கொண்டு இருக்கிறார்.

திமுக- காங்கிரஸ் கூட்டணி

சக்திமான் காப்பாற்றுவார் என்று மாடியில் இருந்து குதித்து சாவதும் ஒன்று தான் ராகுல் காந்தி பிரதமராகி இந்தியாவை காப்பாற்றுவார் என நினைத்து ஓட்டு போடுவதும் ஒன்று தான் என திமுக- காங்கிரஸ் கூட்டணியை விமர்சனம் செய்தார்.