பெண் தலையில் ஒரே போடு.. கோரிக்கை விடுத்தவரை தாக்கிய அமைச்சர் - பரபரப்பை ஏற்படுத்தும் வீடியோ

Published: Wednesday, July 13, 2022, 0:10 [IST]

Subscribe to Oneindia Tamil

விருதுநகர்: கோரிக்கை விடுத்த பெண்ணின் தலையில் தமிழ்நாடு அமைச்சர் கே.கே.எஸ்.எஸ்.ஆர்.ராமச்சந்திரன் அழைப்பிதழ் அட்டைகளை கொண்டு தாக்கிய வீடியோ வெளியாகி பரபரப்பை ஏற்படுத்தி இருக்கிறது.

கோயில் திருவிழா

இந்த நிலையில் இவர் தனது சொந்த மாவட்டமான விருதுநகர் சென்ற இவர் பல்வேறு நிகழ்வுகளில் கலந்துகொண்டு அரசு நலத்திட்ட உதவிகளை வழங்கினார் வந்தார். நேற்று அருப்புக்கோட்டை சொக்கலிங்கபுரத்தில் இந்து சமய அறநிலையத்துறைக்கு சொந்தமான மீனாட்சி சொக்கநாதர் கோயில் ஆனி பிரமோற்ச விழாவின் முக்கிய நிகழ்வான தேரோட்டத்தில் கலந்துகொண்ட அமைச்சர் கே.கே.எஸ்.எஸ்.ஆர்.ராமச்சந்திரன் தேரை வடம் பிடித்து இழுத்தார்.

பள்ளிக்கல்வித்துறை நிகழ்ச்சி

அதேபோல் பள்ளிசாரா மற்றும் வயது வந்தவர்களுக்கான கல்வி திட்டத்தின் கீழ் அடிப்படை எழுத்தறிவு சான்றிதழ் வழங்கும் விழா மற்றும் தன்னார்வலர்களுக்கான பணிமனை பயிற்சி தொடக்க விழாவில் அமைச்சர் ராமச்சந்திரன் கலந்துகொண்டார். பள்ளிக்கல்வித்துறை அமைச்சர் அன்பில் மகேஷ் பொய்யாமொழியும் இந்த நிகழ்ச்சியில் கலந்துகொண்டு அமைச்சர் ராமச்சந்திரனுடன் சான்றிதழ்களை வழங்கினார்.

சுகாதாரத்துறை நிகழ்ச்சி

அதன் பின்னர் விருதுநகர் அரசு மருத்துவக் கல்லூரி மருத்துவமனை வளாகத்தில் மக்கள் நல்வாழ்வுத்துறை சார்பில் உலக மக்கள் தொகை தினவிழா நடைபெற்றது. சுகாதாரத்தூறை அமைச்சர் மா.சுப்பிரமணியன் உள்ளிட்ட பலர் கலந்துகொண்ட இந்த நிகழ்வில் ரூ.4.31 கோடி மதிப்பிலான கட்டிடங்கள் திறந்து வைக்கப்பட்டன.

பெண்ணை தாக்கிய அமைச்சர்

இந்த நிலையில், விருதுநகர் பாலவனத்தம் கிராமத்தில் தன்னிடம் மனு அளிக்க வந்த ஏழை பெண்ணை அமைச்சர் கே.கே.எஸ்.எஸ்.ஆர்.ராமச்சந்திரன் தாக்கும் வீடியோ வெளியாகி பரபரப்பை ஏற்படுத்தி இருக்கிறது. 12 வினாடிகள் ஓடக்கூடிய அந்த வீடியோவில் தன்னிடம் கை நீட்டி பேசும் பெண்ணின் தலையில், அழைப்பிதழ்களை கொண்டு அமைச்சர் தாக்குவது போன்ற காட்சிகள் இடம்பெற்று உள்ளன.

Published On July 13, 2022