உலகளவில் கொரோனா வைரஸால் குணமடைந்தோர் எண்ணிக்கை 30 லட்சத்தை தாண்டியது

வாஷிங்டன்: உலகளவில் கொரோனா வைரஸால் குணமடைந்தவர்களின் எண்ணிக்கை 30 லட்சத்தை தாண்டியது. பாதிப்பு எண்ணிக்கையில் கிட்டத்தட்ட 50 சதவீதத்தை நெருங்கியுள்ளது.

உலகில் கொரோனா பாதிப்பு கடுமையாக உள்ளது. நாளுக்கு நாள் எண்ணிக்கை உயர்ந்து கொண்டே வருகிறது. உலகளவில் கொரோனாவால் பாதிக்கப்பட்டோர் எண்ணிக்கை 64,74,075 ஆக உள்ளது. பலியானோர் எண்ணிக்கை 3,81,718 லட்சமாக உள்ளது.

அது போல் இதுவரை உலகளவில் 30,06,831 பேர் குணமடைந்து வீடு திரும்பியுள்ளனர். 54,551 பேர் மருத்துவமனைகளில் மிகவும் மோசமான நிலையில் உள்ளனர். அமெரிக்காவில் கொரோனாவால் பாதிக்கப்பட்டோரின் எண்ணிக்கை 18,81,205 ஆக உள்ளது. இங்கு பலியானோர் எண்ணிக்கை 1,08,059 ஆக உள்ளது.

பிரேசிலில் 5.56 லட்சம் பேர் கொரோனாவால் பாதிக்கப்பட்டுள்ளனர். இங்கு பலியானோர் எண்ணிக்கை 31,278 பேராக உள்ளது. ரஷ்யாவில் 4,23,741 பேர் கொரோனாவால் பாதிக்கப்பட்டுள்ளனர். ரஷ்யாவில் கொரோனாவால் பலியானோரின் எண்ணிக்கை 5,037 ஆக உள்ளது. ஸ்பெயினில் 2,87,012 பேரும் பிரிட்டனில் 2,77,985 பேரும், இத்தாலியில் 2,33,515 பேரும் பிரான்ஸில் 1,89,220 பேரும் பாதிக்கப்பட்டுள்ளனர்.

இந்தியாவில் 2,07,191 பேர் கொரோனாவால் பாதிக்கப்பட்டுள்ளனர். இங்கு பலியானோர் எண்ணிக்கை 5,829 ஆக உள்ளது. உலகளவில் இந்தியா கொரோனா பாதிப்பில் 7ஆவது இடத்திற்கு வந்துள்ளது கவலையை ஏற்படுத்தியுள்ளது.

English summary

30 lakh were discharged from the hospital after coronavirus hits. There are 64 lakhs were infected with virus globally.