அடேங்கப்பா.. 131 மாடியில் இப்படி ஒரு வீடா!. 360 டிகிரி கோண பார்வை.. வாய் பிளக்கும் நெட்டிசன்கள்

Updated: Monday, September 26, 2022, 17:48 [IST]

Subscribe to Oneindia Tamil

வாஷிங்டன்: அமெரிக்காவின் நியூயார்க்கில் உள்ள செண்ட்ரல் பார்க் டவர் என்ற அடுக்குமாடி குடியிருப்பு கட்டிடத்தில் 129 முதல் 131 மாடி வரை உள்ள வீடுகளில் 360 டிகிரி கோண பார்வை கிடைக்கும் வகையில் கட்டப்பட்டுள்ளது. இது தான் உலகிலேயே மிக காஸ்ட்லியான வீடு என்று கூறப்படுகிறது.

விமானத்தில் பறக்கும் போதும் ராக்கெட் மற்றும் செயற்கை கோள்களில் பயணிக்கும் போதும் மட்டுமே பூமியின் வளைவை (curvature) நம்மால் பார்க்க முடியும்.

இவற்றை தவிர, மிக உயரமான வணிக வளாகங்களிலும் உயரமான கோபுரங்களிலும் இத்தகைய பூமியின் வளைவுகளை நம்மால் காண முடியும்.

விலையை கேட்டாலே தலை சுற்றும்

ஆனால் இப்படி ஒரு காட்சியை நம் வீட்டில் இருந்தே பார்த்தால் எப்படி இருக்கும். பூமியின் அழகை மொத்தமாக ரசிக்கும் வகையில் அமைந்து இருக்கும் இத்தகைய மெய்சிலிர்க்கும் காட்சிகளை நம்மால் நமது வீட்டில் இருந்தே பார்க்க முடிந்தால் எப்படி இருக்கும். நினைத்தாலே மெய் சிலிர்க்கிறது அல்லவா.. ஆனால் அதை மெய்பிக்கும் வகையில் தான் கனவு இல்லத்தை அமெரிக்க நிறுவனம் ஒன்று கட்டியுள்ளது. இந்த கட்டிடத்தில் ஏறி பார்த்தால் மட்டும் அல்ல... விலையை கேட்டாலே பலருக்கும் தலை சுற்றும்.

17 ஆயிரம் கோடி

உலகிலேயே மிகவும் காஸ்ட்லியான வீடு இதுதானாம். நியூயார்க்கில் உள்ள செண்ட்ரல் பார்க் டவர் என்ற இந்த அடுக்குமாடி குடியிருப்பு கட்டிடத்தில் 129 வது மாடியில் இருந்து 131 மாடி வரை உள்ள வீடுகளில் இந்த காட்சிகளை காண முடியுமாம். இதன் விலை எவ்வளவு தெரியுமா 220 மில்லியன் டாலர். நம்ம ஊர் மதிப்புக்கு சொல்ல வேண்டும் என்றால் சுமார் 17 ஆயிரம் கோடியாகும். அமெரிக்க ஹவுசிங் மார்க்கெட் லிஸ்டில் அதிக மதிப்பு கொண்டதாக இந்த கட்டிடம் தான் பட்டியலிடப்பட்டுள்ளது.

உலகிலேயே உயரமான கட்டிடம்

இந்த குடியிருப்பு கட்டிடத்தில் இரண்டு நீச்சல் குளங்கள் உள்ளது. இதேபோல் இந்த வீட்டில் இருந்தபடி 360 டிகிரி கோணத்திலும் பரந்த காட்சிகளை காண முடியும், உலகின் மிக உயரமான கட்டிடங்களின் பட்டியலில் இதுதான் முதன்மை வகிக்கிறது. 7 பெட்ரூம்கள், 8 பாத்ரூம்கள், நடன அரங்குகள் என சகல வசதிகளுடன் இந்த வீடு வழங்கப்படுகிறது.

1416 அடி உயரம்

அதுபோக இந்த அடுக்குமாடி குடியிருப்பில் வசிப்பவர்களுக்காக கான்பரன்ஸ் ரூம், ஸ்பா, விளையாட்டு அரங்குகள் என இங்கு இல்லாத வசதிகளே இல்லை எனலாம். அத்தனை வசதிகளையும் கொண்ட இந்த அடுக்குமாடி குடியிருப்பு பற்றித்தான் சமூக வலைத்தளங்களில் பலரும் வியப்புடன் பேசி வருகின்றனர். உலகிலேயே மிகவும் உயரமான குடியிருப்பு கட்டிடமான இதன் உயரம் தோராயமாக 1,416 அடி உயரம் என்று தெரிவிக்கப்பட்டுள்ளது.