அமெரிக்காவின் நம்பர் ஒன் பணக்காரர்...ஜெப் பெசோஸ்... ட்ரம்புக்கு மிகப்பெரிய பின்னடைவு!!
வாஷிங்டன்: அமெரிக்காவின் ஃபோர்ப்ஸ் பட்டியலில் அந்த நாட்டின் அதிபர் டொனால்ட் ட்ரம்ப்பை தொடர்ந்து மூன்றாவது முறையாக பின்னுக்குத் தள்ளி ஜெப் பெசோஸ் முதலிடம் பிடித்துள்ளார். கொரோனா வைரஸ் முடக்கம் ட்ரம்ப்பின் வர்த்தகத்தை பெரிய அளவில் முடக்கிப் போட்டுள்ளது.
அமேசான் நிறுவனரும், தலைமை நிர்வாக அதிகாரியுமாக இருப்பவர் ஜெப் பெசோஸ். 400 பேர் கொண்ட ஃபோர்ப்ஸ் பட்டியலில் சொத்து மதிப்பு 3.2 டிரில்லியன் டாலராக பதிவாகி இருக்கிறது. இதிலும் நம்பர் ஒன்னாக ஜெப் பெசோஸ் இடம் பிரித்துள்ளார். கொரோனா முடக்கத்திலும் அமெரிக்காவின் முன்னணி தொழிலதிபர்கள் எந்த தடையும் இல்லாமல் வர்த்தகத்தை வெற்றிகரமாக நடத்தியுள்ளனர். ஆனால், கடந்த பிப்ரவரி மாதத்துடன் ஒப்பிடுகையில் 11 மில்லியன் பேர் வேலை வாய்ப்பை இழந்துள்ளனர்.
நடப்பாண்டு பட்டியலில் 18 பேர் புதிதாக இணைந்துள்ளனர். அவர்களில் முக்கியமானவர் ஜூம் வீடியோ கம்யூனிகேஷன் தலைமை நிர்வாக அதிகாரி எரிக் யுவான், இவரது நிகர சொத்து மதிப்பு 11 பில்லியன் டாலர் என்பது தெரிய வந்துள்ளது.
ஜெப் பெசோஸ் சொத்து மதிப்பு கடந்த ஓராண்டில் மட்டும் 57% அதிகரித்து 179 பில்லியன் டாலராக இருக்கிறது.
கடந்தாண்டு அதிபர் டிரம்ப்பின் நிறுவனம் போர்ப்ஸ் பட்டியலில் 275வது இடத்தில் இருந்தது. நடப்பாண்டில் இது 352வது இடத்துக்கு பின்னுக்குத் தள்ளப்பட்டுள்ளது. இவரது நிகர சொத்து மதிப்பு கடந்தாண்டில் 3.1 பில்லியன் டாலராக பதிவாகி இருந்தது. இது நடப்பாண்டில் 2.5 பில்லியன் டாலராக பதிவாகி இருக்கிறது. ட்ரம்ப் நிறுவனம் பெரும்பாலும் ஓட்டல்கள், ரெசார்ட்கள், அலுவலக கட்டிடங்கள் கட்டுவதில் ஈடுபட்டுள்ளது. கொரோனா முடக்கம் காரணமாக இவை அனைத்தும் முடங்கி இருந்தன. இதனால் ட்ரம்ப்புக்கு வர்த்தகத்தில் பின்னடைவு ஏற்பட்டுள்ளது.
நீண்ட காலமாக ட்ரம்ப் தனது வரி குறித்த தகவல்களை வெளியிட மறுத்துவிட்டார். இதனால், இவருக்கும், மன்ஹாட்டன் அட்டார்னி ஜெனரலுக்கும் இடையே நீண்ட கால மோதல் நடந்து வருகிறது.
Click it and Unblock the Notifications
Sign in with Google