என்னை எப்போதும் சிரிக்க வைப்பது இந்த பெண்கள்தான்.. காதலர் தினத்தில் சிலிர்த்து நெகிழ்ந்த ஒபாமா

Updated: Tuesday, February 16, 2021, 10:37 [IST]

Subscribe to Oneindia Tamil

வாஷிங்டன்: மனைவி, மகள்களுடன் இருக்கும் புகைப்படத்தை ட்விட்டரில் பதிவு செய்த அமெரிக்க முன்னாள் அதிபர் பராக் ஒபாமா காதலர் தின வாழ்த்துகளை பரிமாறிக் கொண்டுள்ளார். ஆனால் இந்த புகைப்படம் எப்போது எடுக்கப்பட்டது என தெரியவில்லை.

காதலர் தினம்.. காதலன் காதலிக்கும், காதலிக்கு காதலனிடத்திலும் காட்டுவது மட்டுமில்லை காதல். காதல் என்றால் அன்பு அந்த அன்பு கட்டிய மனைவியிடமும், கட்டின கணவரிடமும், மகள்கள், மகன்களிடமும் காட்டலாம்.

அந்த வகையில் காதலர் தினம் நேற்று உலகம் முழுவதும் கொண்டாடப்பட்டது. இந்த தினத்தில் மேற்கொண்ட உறவு முறையினர் தங்கள் அன்பை ஒருவருக்கு ஒருவர் பரிமாறிக் கொண்டனர்.

புகைப்படம்

இந்த நிலையில் அமெரிக்க முன்னாள் அதிபர் பராக் ஒபாமா காதலர் தின வாழ்த்துகளை தனது ட்விட்டர் பக்கத்தில் தெரிவித்துள்ளார். அந்த ட்விட்டர் பதிவில் மனைவி மிக்சல் ஒபாமா, மகள்கள் மலியா ஆன் ஒபாமா, சாஷா ஒபாமா ஆகியோருடன் ஒபாமா இருக்கும் புகைப்படம் பதிவிடப்பட்டுள்ளது.

ஒபாமா

அந்த புகைப்படம் எப்போது எடுக்கப்பட்டது என தெரியவில்லை. அவர் ட்வீட்டில் கூறுகையில் காதலர் தின வாழ்த்துகள். என்னை எப்போதும் மகிழ்ச்சியாக வைத்துக் கொள்ள தவறாத இந்த 3 பெண்களுக்கும் காதலர் தின வாழ்த்துகள். உங்களது திகைப்பூட்டும் மகிழ்ச்சி ஒளியானது எல்லாவற்றையும் பிரகாசமாக ஆக்குகிறது என ஒபாமா தெரிவித்துள்ளார்.

மகள்கள்

இந்த புகைப்படத்தில் ஒபாமா, மனைவி மிக்சல்லுக்கும் மூத்த மகள் மலியாவிற்கும் இடையே நிற்கிறார். அவரது இளைய மகள் சாஷா வெள்ளை நிற ஆடையில் மிளிர்கிறார். ஒபாமா எப்போதுமே தனது மனைவி, மகள்களுக்கு முக்கியத்துவம் கொடுப்பார்.

குடும்ப உறவு

அதிபராக இருந்த காலகட்டத்திலும் அவர்களுடன் நேரத்தை செலவிடுவதை அவர் விடவில்லை. குடும்பத்தினருடன் பின்னி பிணைந்திருப்பதையே ஒபாமா விரும்புகிறார். இந்த புகைப்படத்தை பார்க்கும் நெட்டிசன்கள் மலியா தந்தையை போலும் சாஷா தாயை போலும் இருப்பதாக தெரிவித்துள்ளார். சில நெட்டிசன்கள் அழகான குடும்பம் என பாராட்டியுள்ளார். இந்த புகைப்படம் தற்போது வைரலாகி வருகிறது.