11 வயசுலயே "பலான படம்" பார்க்க தொடங்கிட்டேன்.. பளிச்சுன்னு சொன்ன பாடகி!
வாஷிங்டன்: அமெரிக்காவின் பாடகி மற்றும் பாடலாசிரியர் பில்லி எய்லிஷ் தனது 11 வயது முதல் ஆபாச படங்களை பார்க்கத் தொடங்கியதாகவும் அதனால் தனக்கு ஏற்பட்ட பாதிப்புகள் குறித்தும் வெளிப்படையாக விவரித்துள்ளார்.
அந்த காலத்தில் மிகவும் அரிதாக இருந்த ஆபாச படங்கள், இன்று தடுக்கிவிழுந்தால் நிறைய சைட்டுகளில் படம் தென்படும் என்பது போல் ஆகிவிட்டது. இது டீன் ஏஜ் வயதினரை மிகவும் பாதித்து அவர்களது வாழ்க்கை திசை மாற வாய்ப்புள்ளது.
இதனால் இந்த ஆபாச படங்களை 18 வயதுக்கு மேற்பட்டோர் மட்டுமே பார்க்க வேண்டும் என உத்தரவு பிறப்பிக்கப்பட்டுள்ளது. இதன் படி அந்த சைட்டிலேயே நீங்கள் 18 வயதுக்குள் மேற்பட்டவரா என கேட்கும் போது 8 வயது குழந்தை கூட ஆம் எனக்கு 18 வயது என கூறிவிட்டு உள்ளே போகும் அளவுக்கு உள்ளது.
பாதிப்பு
இது போன்ற ஆபாச படங்களை பார்த்தால் எந்த மாதிரியான பாதிப்புகள் ஏற்படும் என்பது குறித்து அமெரிக்காவின் பாடகி, பாடலாசிரியர் பில்லி எய்லிஷ் விவரித்துள்ளார். இவருக்கு தற்போது 19 வயது ஆகிறது. இவர் கிராமி விருது பெற்ற பாடகி ஆவார். இவர் அமெரிக்காவில் ஒரு வானொலி நிகழ்ச்சியில் பேசுகையில் நான் 11 வயது முதல் ஆபாச படங்களை பார்க்க தொடங்கினேன்.
அவமானம்
ஆபாச படங்களை பார்ப்பது அவமானம் என நினைத்தேன். உண்மையை சொல்ல போனால் நான் நிறைய ஆபாச படங்களை பார்த்துள்ளேன். ஒரு கட்டத்தில் நான் அந்த படங்களுக்கு அடிமையாகிவிட்டேன். எனது மூளை கடுமையாக பாதிக்கப்பட்டது. எனது மனம் நான் சொல்வதை கேட்க மறுத்து எப்போதும் ஆபாச படங்களை பார்க்க தூண்டியது.
ஆபாச படங்கள்
இது இரவு நேரங்களில் கனவாக வந்தும் என்னை பயமுறுத்தியது. இது போன்ற ஆபாச படங்களை பார்ப்பதால் ஏற்படும் பிரச்சினை என்னவெனில், உடலுறவின் போது அது இயல்பானது என்ற எண்ணத்தை தூண்டிவிட்டது. இருந்தாலும் அந்த படங்களை நான் பார்த்தேன்.
யுனிசெப் ஆர்வலர்கள்
என்னை ஈர்த்ததால் நான் அந்த மாதிரியான படங்களை பார்த்தேன் என்றார். இது போல் அந்த பாடகி சொன்னதும் அருகில் இருந்த அவரது தாய் அதிர்ச்சி அடைந்தார். இதுகுறித்து யுனிசெப்பை சேர்ந்த ஆர்வலர்கள் கூறுகையில் இது போல் ஆபாச படங்களை பார்த்தால் மனநிலை மோசமாகும். பாலியல் வன்முறைகள் பெருகும். பிற எதிர்மறை விளைவுகளும் ஏற்படும் என்றனர்.
Click it and Unblock the Notifications
Sign in with Google