டிரம்ப்ன்னாலே ஏடாகூடம்தானா.. வெள்ளை மாளிகையை அதிர வைத்த குட்டி "டிரம்ப்"!
வாஷிங்டன்: அமெரிக்க நாடாளுமன்றத்தில் டொனால்ட் டிரம்ப் உரையாற்றிய போது ஜோசுவா டிரம்ப் தூங்கி வழிந்த காட்சி வைரலாகி வருகிறது.
அமெரிக்க அதிபராக டொனால்ட் டிரம்ப் பதவியேற்றவுடன் பல்வேறு அதிரடிகளை செய்தார். இது அந்நாட்டு குடிமக்களை எரிச்சலடைய செய்தது. இதனால் அவரையும் அவரது முக பாவனையையும் கிண்டல் செய்து வருகின்றனர்.
இந்த நிலையில் அங்கு பள்ளி ஒன்றில் படித்து வரும் மாணவரின் பெயர் ஜோசுவா டிரம்ப். இவரது பெயரில் டிரம்ப் என்ற வார்த்தை இருப்பதால் மாணவர்கள் இவரை கிண்டல் செய்தனர்.
|
நீக்கம்
இதனால் ஜோசுவா மனமுடைந்தார். எனினும் அவரை மாணவர்கள் கிண்டல் செய்வது தொடர்கதையாகி வந்தது. இதனால் ஏற்பட்ட பிரச்சினையால் அந்த சிறுவனை பள்ளியை விட்டே நீக்கப் போவதாக பள்ளி நிர்வாகம் அறிவித்தது.
மனைவி
இந்த விவகாரம் அமெரிக்க அதிபர் டொனால்ட் டிரம்பின் கவனத்துக்கு சென்றது. அமெரிக்க அதிபர் ஒவ்வொரு ஆண்டும் அமெரிக்கா கூட்டு நாடாளுமன்றத்தில் உரையாற்றுவார். இதில் டிரம்ப் தரப்பில் சிறப்பு அழைப்பாளர்களை வரவழைக்கலாம். இதனால் டிரம்ப், தனது மனைவி உள்பட 13 பேரை அழைத்திருந்தார்.
உரை
அதில் சிறுவன் ஜோசுவா டிரம்பும் ஒருவர். சக மாணவர்களின் கேலி கிண்டலுக்கு ஆளான அந்த மாணவரை உற்சாகப்படுத்தும் நோக்கில் டொனால்ட் டிரம்ப் அழைப்பு விடுத்திருந்தார். இந்நிலையில் நாடாளுமன்றத்தில் டிரம்ப் 88 நிமிட கொண்ட உரையை நிகழ்த்தினார்.
|
தூக்கம்
அப்போது அந்த சிறுவன் எதையும் கண்டுகொள்ளாமல் தனது இருக்கையில் அமர்ந்தபடியே தூங்கி வழிந்தார். இந்த புகைப்படம் ஊடகங்களில் வெளியானது. அந்த படத்தை சமூக வலைத்தளங்களில் பலரும் பரவ விட்டு இது சம்பந்தமாக விமர்சனமும் செய்து இருக்கிறார்கள்.
Click it and Unblock the Notifications
Sign in with Google